Karamuço: SPAK u nxitua me Vlora Hysenin, duhet të ruhej shteti! Ja arsyeja

Eksperti i sigurisë Ervin Karamuço ka folur këtë të martë në Now me Erla Mëhillin për masën e sigurisë ndaj drejtueses së SHISH, Vlora Hyseni.

Sipas Karamuços, arrestimi i saj nga SPAK ishte i nxituar dhe ka cenuar raportin mes SHISH dhe Prokurorisë së Posaçme.

“A ishte e nevojshme të arrestohej në detyrë? A ekzistonin kushtet e emergjencës për të nxjerrë një masë shtrënguese dhe për ta ekzekutuar në mënyrë të menjëhershme? Kemi raste në të kaluarën ku SPAK ka thirrur personin dhe i ka vënë përpara akuzat, i ka thënë të marrë masat që të mos e arrestojnë në detyrë dhe pas një jave është arrestuar dhe sot është në burg. Sepse duhet ta ndajmë Vlora Hysenin nga SHISH. Jo, ndahen. Është shumë e rëndësishme. Në rastin konkret janë nxituar, sepse duhet të ruanin shtetin duke kapur individë të veçantë. Sepse SPAK dhe SHISH kanë raport të përditshëm dhe kjo dëmton veprimtarinë. Nuk mund të dalin ata tani dhe të thonë këtë që po punojmë, po e arrestojmë”, tha Karamuço.