Presidenti iranian Masoud Pezeshkian, duke iu drejtuar Asamblesë së Përgjithshme të Kombeve të Bashkuara, ka akuzuar Shtetet e Bashkuara dhe Izraelin për nisjen e sulmeve ndaj Iranit duke përdorur teknologji të përparuar ushtarake. Ndërsa sipas tij Teherani u përgjigj me forcë, por nuk shënjestroi popullatën civile.
“Populli ynë i pafajshëm ka qenë shënjestër e sulmeve frikacake të imponuara ndaj vendit tonë. Ne e mbrojtëm veten me forcën më të madhe”, tha Pezeshkian.
Po ashtu presidenti iranian hodhi akuza se bombat atomike dhe bërthamore janë në duart e Izraelit
"Izraeli ka vrarë barbarisht mbi 70,000 njerëz të pafajshëm në Gaza, por Irani, ndërsa ishte pas tryezës së negociatave, u bombardua. Izraeli ka bombat. Ai ka armët e shkatërrimit në masë", theksoi Pezeshkian gjatë fjalimit të tij në Asamblenë e Përgjithshme të Kombeve të Bashkuara, duke këmbëngulur se ata nuk lejuan kurrë asnjë inspektim të vetëm.
Presidenti iranian tha: “Izraeli po shpërblehet, me të gjitha mjetet e nevojshme, që të jetë në gjendje të bombardojë çdo kryeqytet në rajon sipas dëshirës”, deklaroi ai.
Sondazh
Lexo gjithashtu
