Skandal i ri në Shqipëri?/ Regjisori austriak me USB "bombë", politikanë dhe skema korrupsioni

Një skandal i ri me materiale dhe përgjime duket se do të “trokasë” në Shqipëri.

Regjisori dhe producenti i njohur nga Austria, Frederik Füssel, ka përgatitur një dokumentar për vendin tonë, në të cilin shfaqen edhe dëshmitarë.

Një prej tyre është shfaqur në një video që qarkullon në rrjet teksa mban në duar një USB, dhe shprehet se në të ka të dhëna dhe pagesa, por edhe emra konkretë.

Pjesë nga transkripti: 

Gazetari: Pra, çfarë ka në këtë USB?

Dëshmitari: Të gjitha të dhënat, të gjitha pagesat…

Gazetari: Pra, nëpërmjet kësaj USB-je mund të shkosh te të gjitha…? Dëshmitari: Të gjithë njerëzit që unë po akuzoj sot.

Gazetari: Pra, këtu ke emrat?

Dëshmitari: Ke emra, shumën e parave, ke të dhëna, ke dhe arsyet se pse janë paguar këto para tek ata…

Deri më tani, besohet se materiali bën fjalë për raste korrupsioni, që përfshin skema, llogari bankare dhe pagesa të bëra, duke ngritur dyshime se implikon edhe politikanë shqiptarë./CNA