Plagosje me thikë në një kafe afër Petro Ninit, në gjendje të rëndë 49-vjeçari. Arrestohet autori i ngjarjes

Një plagosje me thikë ka ndodhur këtë mbrëmje në një lokal, pranë shkollës Petro Nini. Ngjarja ndodhi pak minuta më parë.

I plagosuri i identifikuar si Kreshnik Cara, 49 vjeç ka marrë një goditje në pjesën e barkut.

Autori sipas informacioneve paraprake është mbyllur në shtëpi. Mësohet se dhe autori kur ka tërhequr thikën është plagosur dhe vetë në dorë.

Burime bëjnë me dije se 49-vjeçari ndodhet në gjendje të rëndë shëndetësore.

Edhe pse autori iku nga vendi i ngjarjes, arratia nuk zgjati shumë pasi u prangos nga policia.

Grupi hetimor po punon për zbardhjen e plotë të rrethanave dhe motivit të plagosjes.