Ka ndërruar jetë në spital 49-vjeçari Kreshnik Cara, i cili u plagos me mjet prerës mbrëmjen e kësaj të mërkure në Tiranë.
Ngjarja ndodhi në rrugën “Marko Boçari”, ku 49-vjeçari u godit me thikë pas një konflikti. Ai u transportua me urgjencë në spital, por pavarësisht ndihmës mjekësore, nuk mundi të mbijetojë.
Policia ka identifikuar dhe arrestuar autorin e dyshuar të ngjarjes, 50-vjeçarin Toni Nika.
Sipas policisë, nga veprimet e deritanishme hetimore dyshohet se Nika ka plagosur me mjet prerës 49-vjeçarin pas një konflikti për motive të dobëta.
“Pavarësisht ndihmës mjekësore të marrë, ka ndërruar jetë në spital”, njofton policia.
Grupi hetimor vijon veprimet për dokumentimin e plotë të rrethanave të ngjarjes, ndërsa materialet procedurale i janë referuar Prokurorisë për veprime të mëtejshme.
