Komunikimet e Agasit dhe Vlora Hysenit/ Gazetari ngre alarmin: Sot ka rënë shteti

Gazetari Elvi Fundo, në një lidhje direkte në emisionin "Opinion", i është kundërpërgjigjur gazetarit Sokol Bregu, duke përgënjeshtruar publikisht se komunikimet që kanë dalë janë nxjerrë nga SPAK-u.

Gazetari Elvi Fundo ka theksuar se ky është një mashtrim dhe se ato dokumente i ka marrë nga gjykata dhe për këtë mban përgjegjësi para ligjit.

Ai ka nënvizuar se historia e Ergys Agasit dhe Vlora Hysenit nuk është vetëm rozë.

Gazetari ka ngritur alarmin duke thënë se ka rënë shteti, pasi kryetarja e SHISH komunikonte me një anëtar të një gurpi të strukturuar kriminal.

“Sokol Bregu mos abuzo publikisht. Po thua se dokumentet kanë dalë nga SPAK-u. Ky është mashtrim.

I kam marrë unë në gjykatë dhe marr përgjegjësi para ligjit. Ti po abuzon me dokumentet që kam nxjerrë unë. Po e bën historinë rozë.

Edhe kur nxora përgjimet e Veliajt u tha ia dha SPAK-u. Jo zotëri, shkoni në gjykatë dhe merrini nga burimet tuaja. Se nuk i gjen ti nuk do të thotë se i nxjerr SPAK-u. Po të rrëzoj një argument tjetër. Ku thua që SPAK-u ka nxjerrë ato që donte të dilnin. Pra, sipas teje, SPAK-u donte të dilnin historitë rozë? E do thelbin e çështjes? Atë zonjë, Vlorën, e ka emëruar Rama shefe të SHISH.

Nëse nesër-pasnesër dalin materiale të tjera do të kërkosh falje në 'Opinion'. Po manipulon, po gënjen, po e bën historinë rozë. Ke shkuar të bësh zhurmuesin dhe ta bësh historinë rozë se kështu ka qejf Fuga apo spin doktorët e tjerë të Edi Ramës.

E para, mbaj përgjegësi ligjore, i kam nxjerrë unë dokumentet. E dyta, unë kam burimet e mia, këtë zonjë e ka emëruar presidenti me propozim të kryeministrit, përgjegjës është Rama.

Kryetarja e SHISH komunikon me anëtarin e një grupi kriminal të strukturuar. Ky zotëria ka thënë publikisht që Taulant Ballën do ta ha. Ky emëroi Prodën. Pas ikjes së Prodës, u arrestua Agasi. E bëni këtë sikur ishte limonadë.

Sot ka rënë shteti. Në cilin vend të botës kryetarja e SHISH flet me një person të inkriminuar.

Ergys Agasi ka qenë kryetar i sindikatës së krimit po apo jo?

A e ka emëruar Ergys Agasi drejtoreshën e Hipotekës?

Drejtori i Policisë së Shtetit a ishte vegël e Ergys Agasit?

Ka rënë shteti, shefja e SHISH.

Po sikur të dalë që kjo zonja ka ndërhyrë në SPAK? Ose ka ndërhyrë për Erion Veliajn, ça do të thuash ti?

Ilir Proda ka qenë zari i Ergys Agasit, e ka vënë Ergys Aagsi në momentin që iku, Ergysi u arrestua.

Janë mesazhet që i janë gjetur shoqëruesit të Ergys Agasit në celular për Ilir Prodën, prandaj ndezi cigaren kur doli", tha Fundo. / CNA