Skema kriminale/ Shefi i Policisë Shkencore ia kalonte informacionet Agasit

Ergys Agasi

Gjykata e Posaçme, me kërkesë të SPAK-ut, firmosi masën e sigurisë arrest me burg për shtetasin Fatjon Kalluci me detyrë “Përgjegjës Sektori” në Institutin e Policisë Shkencore.

Fatjon Kalluci, i cili punonte në Policinë Shkencore, ka futur aplikacione në telefonat e zyrtarëve që të fshijnë gjurmë të mesazheve.

Kalluci është kapur nga SPAK-u, pasi janë gjetur në celularin e Agasit materiale që vërtetojnë se informacionet për çështje të ndryshme, ia ka kaluar Ergys Agasit.

Policia Shkencore ka të bëjë me raste të tjera si ekspertimi i drogës, ekspertimi i armëve etj.

Në telefonin e Ergys Agasit është vërtetuar se personi në fjalë i ka çuar informacione pasi ka marrë dhe ka bërë ekspertizën. Dhe gjithçka që bëhej në zyrën e shtetit e ka marrë dhe ia ka deleguar Ergys Agasit.

Pra, një zyrtar i lartë i shtetit merrte disa prova për personat që qenë në hetim, ia çonte shtetasit Ergys Agasi.  

Ky është një tjetër detaj tronditës që tregon se shteti ka rënë. Që zyrtarë të lartë, duke nisur nga drejtoresha e SHISH, ish-drejtori i Policisë së Shtetit, shefi i sektorit të Policisë Shekncore, i janë vënë në dispozicion Ergys Agasit./ CNA