Tetë pjesëtarë të Marinës amerikane, të caktuar në grupin luftarak të aeroplanmbajtëses USS Abraham Lincoln, kanë tentuar të kryejnë vetëvrasje që nga fillimi i misionit të tyre të gjatë si pjesë e luftës së SHBA-së kundër Iranit. Kjo u konfirmua nga Hung Cao, ushtruesi i detyrës së Sekretarit të Marinës, në një letër drejtuar senatores amerikane Kirsten Gillibrand. "Që nga fillimi i dislokimit të Lincoln-it, ka pasur gjithsej tetë tentativa për vetëvrasje në të gjithë grupin luftarak," shkroi Cao, duke iu përgjigjur në emër të Sekretarit të Mbrojtjes, Pete Hegseth, pyetjes së Gillibrand-it mbi cilësinë e jetës në bord. "Ky numër përfshin ekuipazhin e Lincoln-it dhe marinsat nga krahu ajror i aeroplanmbajtëses, stafin e grupit luftarak dhe të skuadriljes së shkatërruesve, shkatërruesit shoqërues dhe të gjitha skuadriljet e aviacionit të dislokuara në bord."