Ndonëse ka kaluar një vit nga dita e veçantë për Mirlind Dakun dhe Vesa Vllasaliun të cilët kurorëzuan dashurinë e tyre, influencerja së fundmi ka ndarë pamje nga dita kur ata i thanë përgjithmonë “PO!” njëri-tjetrit. Siç mund ta shikoni dhe në fotot e postuara nga vetë Vllasaliu, ajo shfaqet me barkun e rrumbullakosur e veshur me fustanin e bardhë të nusërisë, e buzëqeshur në krahët e djalit që i ka rrëmbyer zemrën, Mirlind Daku.
Sakaq mësohet se çifti ka zgjedhur qytetin piktoresk të Solothurnit në Zvicër për të realizuar një ndër ditët më të veçanta të jetës së tyre. Edhe pse ky moment u mbajt larg syve të fansave dhe mediave, siç mund të shikohet dhe në fotot e nxjerra nga vetë Vllasaliu kurorëzimi erdhi në një periudhë mjaft të ëmbël për ta, pasi ishin në pritje të fëmijës së tyre të parë.
