I dha Ergys Agasit informacione sekrete/ Dalin sot para GJKKO ish-drejtoresha e SHISH dhe Fatjon Kalluci e Embro Sulejmani 24 Shtator, 08:46 ...
Berisha: Ky është parlamenti i Ergys Agasit, Vlora Hyseni shkarkonte secilin prej jush me porosi të tij! 24 Shtator, 10:49 ...
Tensionohet situata te Ministria e Brendshme, shoqërohen disa protestues, mes tyre Dritan Goxhaj 24 Shtator, 09:59 Protes...
Plagosja në Tiranë, arrestohet autori që goditi me thikë 49-vjeçarin 23 Shtator, 22:19 Plagosja me ...
Në fjalën e tij pas seancës plenare, Berisha tha se Hyseni, ka zbatuar porosi dhe urdhra të Ramës dhe se lidhjet e saj me Agasin kanë qenë të njohura në kryeministri dhe SHISH.
TIRANË- Kreu i Partisë Demokratike, Sali Berisha, ka akuzuar kryeministrin Edi Rama se ka pasur dijeni dhe përgjegjësi për veprimet e ish-drejtores së SHISH, Vlora Hyseni, ndërsa e cilësoi Ergys Agasin si mafiozin më të rrezikshëm të Evropës. Në fjalën e tij pas seancës plenare, Berisha tha se Hyseni, ka zbatuar porosi dhe urdhra të Ramës dhe se lidhjet e saj me Agasin kanë qenë të njohura në kryeministri dhe SHISH.
Ai akuzoi Hysenin se ka përdorur të dhëna sekrete të SHISH në funksion të një grupi të strukturuar kriminal, duke e cilësuar këtë si goditje për sigurinë kombëtare dhe besueshmërinë e Shqipërisë te partnerët ndërkombëtarë.
Berisha tha se Agasi kishte, sipas tij, kontroll mbi institucione të ndryshme të shtetit, ndërsa shtoi se përmes SHISH kishte akses te sekretet që NATO i ka besuar Shqipërisë. Më tej, ai përmendi edhe drejtues e zyrtarë të tjerë, duke pretenduar se veprimet e tyre janë kryer me dijeninë e kryeministrit Edi Rama.
"Seanca e sotme është dëshmi tjetër flagrante se ky parlament përfaqëson krimin e organizuar, përfaqëson interesat më kriminale të Padrinos së vendit dhe nuk besoj se mund të gjendet një i dytë në planet që para një superskandali të rrallë në mbarë botën, bën avokatinë e regjimit, avokatinë e krimit dhe nuk shprehin as dhe qëndrimin më të vogël kritik. Natyrisht Edi Rama nuk është më kryeministri i Shqipërisë, por është Padrino i Shqipërisë. Faktohet në mënyrë përfundimtare si kreu i narkoshtetit të parë dhe të vetëm në Evropë. Me superskandalin e Vlora Hysenit, e emëruar jashtë çdo lloj kriteri në pozicionin më të rëndësishëm në raport me sigurinë kombëtare, e cila qëndroi aty si shërbëtore e dy zotërinjve, e Edi Ramës dhe Aleksandër Vuçiçit, u vu e tëra në shërbim të organizatës kriminale.
Nuk ka në historinë e shtetit shqiptar një akt më të rëndë, dhe e vërteta është që në çdo lloj analize në raport me sigurinë kombëtare, kjo përbën një akt madhor të asgjësimit të saj dhe të tradhtisë ndaj sigurisë kombëtare. Por, Vlora Hyseni ka zbatuar në çdo veprimtari të saj porositë, urdhrat e Edi Ramës. Lidhjet e saj me Ergys Agasin i ka ditur e gjithë kryeministria dhe SHISH. Nuk ka asnjë risi në ato lidhje. Por problemi është se përdorimi i të dhënave sekrete të SHISH në funksion të karteleve, në funksion të grupit të strukturuar kriminal, është goditje e tmerrshme për sigurinë kombëtare, për besueshmërinë e Shqipërisë tek partnerët ndërkombëtarë. Dhe duhet ta dini se në ato që janë marrëdhënie besimi, shërbimet inteligjente kanë një vend jashtëzakonisht të rëndësishëm.
Dhe absolutisht SHISH që nga themelimi gjer sot ka një trashëgimi shumë të çmuar bashkëpunimi me shërbimet më të mëdha të vendeve partnere, por edhe shërbime të vendeve të tjera dhe bashkëpunim të suksesshëm. Nuk ka lajm më të keq se sa lajmi se njeriu kryesor me të cilën ata bashkëpunonin ishte një kriminele që shiste sekretet e shtetit dhe shërbente si mburojë e anëtarëve të grupit të strukturuar kriminal. Por mes të gjithë anëtarëve dhe të gjithë emrave që ju mund të keni dëgjuar, Ergys Agasi është absolutisht mafiozi më i rrezikshëm i Evropës. Pse kjo? Se ky është i vetmi bos i krimit që kishte në kontroll të plotë, dhe unë e kisha denoncuar me kohë këtë, shërbimin informativ të shtetit.
Në kontroll të plotë ministrinë e rendit dhe policinë e shtetit. Në kontroll të plotë segmente të sistemit të drejtësisë. Ishte faktikisht zëdhënësi më i fuqishm i Padrinos së Shqipërisë.
Përveç kësaj, përmes SHISH, ai kontrollonte të gjitha sekretet që NATO i ka besuar Shqipërisë. Dhe akoma më shumë, ky grup i strukturuar kriminal kanë kontrolluar internetin dhe komunikimet me internet të shqiptarëve dhe të huajve në të gjithë territorin e Shqipërisë. Për të gjitha këto, Ergys Agasi është krimineli më i rrezikshëm që ekziston. Dhe ai kishte një shërbëtore, kishte nën urdhrat e tij kryetaren e SHISH. Në fakt, e them dhe njëherë, çdo veprim dhe akt i tyre, i Vlora Hysenit, i Ergys Agasit, i Ermal Beqirit, Karçanajt, drejtorit të përgjithshëm të policisë, Proda, etj, janë bërë absolutisht me urdhër dhe dijeni të plotë të Edi Ramës. Këta persona, në raste të caktuara, po flasin dhe do të flasin. Skandali, afera është e një rrezikshmërie të lartë dhe e përmasave tepër të mëdha. Asnjë reflektim.
A i patë deputetët? Jo më kot u thashë se janë deputetët e Kodrës së Kuajve. Gjatë gjithë fushatës elektorale, çdo dy-tre net, Ergys Agasi, klanet e Elbasanit, klanet e Durrësit, Vangjush Dako mblidheshin tek lokali që menaxhonte ky Embro Sulejmani, menaxher se pronar është dikush tjetër, edhe ai është i kësaj bote, dhe bënin projektin e grabitjes së mandateve. Ndaj dhe sot këtu, deputetët e Kodrës së Kuajve ishin deputetët më aktivë në mbrojtje të Ergys Agasit dhe Vlora Hysenit. Kjo e tëra dëshmon se Shqipëria është në krahët e krimit. Se PS është themeluar mbi krimin dhe vrasjet. Ka sunduar mbi krimin monstruoz të diktaturës komuniste dhe sundon sot mbi krimin, kartelet e drogës dhe vjedhjet e shqiptarëve," tha Berisha./Dosja.al
Sali Berisha TIRANË- Kryetari i Partisë Demokratike, Sali Berisha, duke folur jashtë ambienteve të Kuvendit ka reaguar për sulmin ...
Kuvendi Pas mbi një ore diskutime me në qendër akuzat ndaj ish-kreut të SHISH, Vlora Hyseni, tensionet në Kuvend kanë nisur. ...
Marjana Koçeku TIRANË- Deputetja e pavarur Marjana Koçeku ka kërkuar në Kuvend që kryeministri Edi Rama të japë...
Jozefina Topalli TIRANË- Deputetja Jozefina Topalli ka kritikuar kryetarin e Kuvendit, Niko Peleshi, për indiferencën e tij lidhur me akuza...
Saimir Korreshi TIRANË- Deputeti i Partisë Demokratike, Saimir Korreshi gjatë fjalës së tij në Kuvend u ndal tek mesazh...
Monika Kryemadhi TIRANË- Ish-deputetja Monika Kryemadhi është paraqitur ditën e sotme GJKKO. Monika Kryemadhi ka ironizuar zhvillimet e...
Gazment Bardhi TIRANË- Kreu i grupit parlamentar të Partisë Demokratike, Gazment Bardhi, hodhi akuza të forta në drejtim t&e...
Meta dhe Kryemadhi TIRANË- Sërish seanca gjyqësore për ish presidentin Ilir Meta dhe Monika Kryemadhi është shtyrë dit&e...
TIRANË- Kreu i PD-së Sali Berisha deklaroi se Shqipëria ndodhet para një skandali botëror. Gjatë fjalës në Kuvend, Ber...
Ina Zhupa TIRANË- Deputetja e Partisë Demokratike, Ina Zhupa, ka hedhur akuza të forta në drejtim të qeverisë gjatë fjal...
