I dha Ergys Agasit informacione sekrete/ Dalin sot para GJKKO ish-drejtoresha e SHISH dhe Fatjon Kalluci e Embro Sulejmani 24 Shtator, 08:46 ...
Berisha: Ky është parlamenti i Ergys Agasit, Vlora Hyseni shkarkonte secilin prej jush me porosi të tij! 24 Shtator, 10:49 ...
Tensionohet situata te Ministria e Brendshme, shoqërohen disa protestues, mes tyre Dritan Goxhaj 24 Shtator, 09:59 Protes...
Plagosja në Tiranë, arrestohet autori që goditi me thikë 49-vjeçarin 23 Shtator, 22:19 Plagosja me ...
Ai shtoi se, sa i përket marrëdhënieve të SHBA-së me Serbinë, Uashingtoni ka një partneritet strategjik me të, të cilin dëshiron ta thellojë.
Serbia është e përfshirë në “çështje potencialisht problematike dhe shpërthyese”, ka thënë Marco Rubio, sekretari amerikan i Shtetit, duke iu përgjigjur pyetjeve të gazetarëve para largimit nga Asambleja e Përgjithshme e Kombeve të Bashkuara në Nju Jork më 23 shtator.
“Është e qartë se Serbia është e përfshirë në çështje të caktuara që janë potencialisht problematike dhe shpërthyese dhe që tërheqin vëmendjen ndërkombëtare”, theksoi Rubio, pa shpjeguar hollësisht se për cilat çështje bëhej fjalë.
Ai shtoi se, sa i përket marrëdhënieve të SHBA-së me Serbinë, Uashingtoni ka një partneritet strategjik me të, të cilin dëshiron ta thellojë.
“Ne synojmë ta bëjmë këtë, ndërkohë që njëkohësisht adresojmë problemet e mundshme që mund të shfaqen, për të cilat e di se janë thellësisht të rëndësishme edhe për vetë ata”, tha Rubio.
Ai tha gjithashtu Serbinë tashmë e kanë vizituar zyrtarë nga Departamenti amerikan i Shtetit dhe agjenci të tjera qeveritare.
“Shpresoj që edhe unë do të kem mundësinë ta vizitoj atë”, tha Rubio.
Në korrik, Shtetet e Bashkuara dhe Serbia nënshkruan një Memorandum Mirëkuptimi për infrastrukturën energjetike dhe sigurinë energjetike rajonale, në kuadër të procesit të dialogut strategjik të zhvilluar në Uashington.
Takimin mes zyrtarëve amerikanë dhe serbë asokohe e hapi vetë Rubio.
Në gusht, anëtarë republikanë dhe demokratë të Dhomës së Përfaqësuesve të Kongresit amerikan paraqitën një projektligj që i kërkon SHBA-së të ndërmarrë masa ndaj Serbisë për shkak të “prapambetjes serioze” në demokraci dhe sundimin e ligjit në vend, si dhe bashkëpunimit me Rusinë, Kinën dhe Iranin.
Sipas projektligjit, Serbia ka shënuar prapambetje serioze në fushën e demokracisë, gjë që është pasqyruar në Raportin për të Drejtat e Njeriut për vitin 2024 dhe në Raportin e Parlamentit Evropian për Serbinë për vitin 2025, ku përmenden probleme të konsiderueshme me sundimin e ligjit, pavarësinë e gjyqësorit, lirinë e medias dhe korrupsionin.
Edhe pse është kandidate për anëtarësim në Bashkimin Evropian, Serbia për gati pesë vjet nuk ka hapur asnjë kapitull të ri negociatash, ndër të tjera për shkak të përparimit të pamjaftueshëm në fushën e sundimit të ligjit, por edhe për shkak të mospërputhjes së politikës së saj të jashtme me atë të BE-së.
Dy muaj pas hapjes së kapitullit të fundit, Rusia e nisi pushtimin në shkallë të plotë të Ukrainës, ndërsa Serbia nuk e përshtati politikën e saj të jashtme me Bashkimin Evropian dhe nuk vendosi sanksione ndaj Rusisë.
Kjo ishte atëherë arsyeja kryesore për ngecjen e negociatave të anëtarësimit, ndërsa, në ndërkohë, gjendja në fushën e sundimit të ligjit është përkeqësuar.
Së fundmi, edhe kongresisti amerikan Joe Wilson propozoi që takimi vjetor i Asamblesë Parlamentare të OSBE-së të zhvendoset nga Serbia në Karolinën e Jugut, duke shpjeguar se arsyeja kryesore për këtë propozim ishte “ndikimi i tepruar” i presidentit rus, Vladimir Putin, në Serbi.
Beogradi zyrtar vitet e fundit ka mbajtur gjithashtu marrëdhënie miqësore me Iranin, pavarësisht se ky shtet është nën sanksione ndërkombëtare për shkak të aktiviteteve të tij bërthamore dhe shkeljeve të të drejtave të njeriut.
Ministri serb i Informimit dhe Telekomunikacionit, Boris Bratina, ishte ndër të paktët përfaqësues evropianë në funeralin e liderit suprem të Iranit, ajatollah Ali Khamenei, në muajin korrik./REL
Presidenti iranian, Masoud Pezeshkian, e kundërshtoi trysninë amerikane në fjalimin e tij në Asamblenë e Përgjithshme të OK...
Anthony Albanese AUSTRALI- Australia njoftoi sot se një agjent i modelit të inteligjencës artificiale OpenAI infiltroi një faqe int...
OECD parashikon një rimëkëmbje ekonomike në Gjermani këtë vit GJERMANI- OECD, organizata e vendeve të industrializuara ,...
Trupat e NATO-s gjatë një stërvitjeje ushtarake pranë kufirit të Polonisë me Lituaninë. Fotografi nga arkivi. Presidenti...
Xi Jinping SHBA- Presidenti kinez Xi Jinping ka bërë thirrje për një marrëdhënie më të qëndrueshme mes Kin&eu...
Dronët e Amazonit SHBA- Shërbimi i shpërndarjes me dronë i Amazon ka nisur të shkaktojë shqetësime te disa banorë t...
Emmanuel Macron SHBA- Presidenti francez Emmanuel Macron mbajti më 22 shtator fjalimin e tij të fundit në Asamblenë e Përgjithshm...
Donald Trump SHBA- Një gjykatës federal në SHBA ka urdhëruar administratën e Donald Trumpit të rikthejë aksesin në ...
Ebola në Kongo SHBA- Shtetet e Bashkuara do të japin 267 milionë dollarë shtesë për përballimin e epidemisë së...
Anija USS Abraham Lincoln SHBA- Tetë raste të tentativave për vetëvrasje janë raportuar gjatë dislokimit 286-ditor të ae...
