Erdogan: Greqia është aleate e Turqisë, jo armikja e saj

Greqia është fqinje dhe aleate e Turqisë, jo armikja e saj, theksoi Rexhep Tajip Erdogan në deklaratat e së enjtes.

Duke folur në Turkey House në Nju Jork, presidenti turk trajtoi çështjet e politikës së jashtme, duke përmendur edhe Greqinë, ndër të tjera.

“Turqia nuk është armike e Greqisë, është fqinje dhe aleate e saj nën ombrellën e NATO-s”, theksoi ai.

Ai shtoi se “marrëdhëniet midis dy vendeve janë shumë të ndjeshme dhe të rëndësishme për t’u përdorur si material zgjedhor . Ne nuk kemi interes të përfshihemi në politikën e brendshme të Greqisë. Në Greqi mbahen zgjedhje, qeveritë ndryshojnë, opozita ndryshon. Këto nuk janë shqetësimet tona.”