Te fundit
Muli shton dyshimet për telenovelën e Vlorës me Gysin
24 Shtator 2026, 18:09Antena
TEMA
Telenovela e Vlorës sot u bë e plotë dhe Muli ishte shumë i shqetësuar.
– Ndodhi ajo që kisha frikë, – i tha Lelos. – Prapë përfunduam te seksi. Duhet ta kishim shmangur këtë. U bë joserioze puna. Ti u thua se është agjente serbe, njerëzit thonë se ajo vdes për Gysin. Tani më kollaj e kemi ta nxjerrim Gysin agjent serb.
– Kjo akuzoi edhe Klodianën se ka takuar një agjent serb, – tha Lelo. – Duhet të reagojmë.
– Klodianën mirë e gjen, se merret me Malin e Tiranës dhe jo me këto skandalet e Ramës, – tha Muli. – Por puna është si t’ia kthejmë seriozitetin kësaj çështjeje, që të mos flasim më për seks e dashnore.
– Vështirë është, – tha Lelo. – Është një barcaletë: një grua e kapi burrin me një të dashur të re dhe donte ta ndante. Burri e mori me të mirë dhe e çoi për darkë në një restorant të shtrenjtë, për ta qetësuar. Aty gjetën komshiun e tyre me një të dashur.
– Ua, shiko, – tha gruaja. – Komshiu paska të dashur.
– Epo, mos bëj llafe kot me mua, – i tha burri. – Ja, të gjithë kështu bëjnë.
– S’ka problem, – i tha gruaja. – Dashnorja jonë është më e bukur se e komshiut.
Dhe kështu u qetësua muhabeti.
– Pikërisht këtë kam frikë, – tha Muli. – Ndaj duhet ta marrim seriozisht. Të gjejmë çfarë materialesh sekrete i ka shitur Gysit.
– Mirë është të mos i kërkojmë, – tha Lelo, – se mund të kenë lidhje me Zenin dhe bëhet edhe më keq. Ta lëmë si punë seksi.
Më të lexuarat
24 oret e fundit
Javen e fundit
Blog Tema
Lini një Përgjigje