Kris Jenner dhe Corey Gamble vazhdojnë të jenë bashkë pas më shumë se një dekade lidhjeje, ndërsa duket se çifti ka gjetur mënyrën e tij për të shijuar marrëdhënien, pa qenë nevoja të kalojnë çdo moment së bashku.
Një burim pranë çiftit ka treguar për “People” se Jenner dhe Gamble janë ende shumë të lidhur dhe se marrëdhënia e tyre funksionon pikërisht sepse të dy i japin njëri-tjetrit hapësirë për të jetuar jetën e tyre.
Ata mund të kalojnë kohë të ndarë dhe kur rikthehen bashkë është sikur nuk janë larguar kurrë. Corey dhe Kris i lejojnë njëri-tjetrit të udhëtojnë dhe të jetojnë jetën e tyre. Nuk kanë nevojë të jenë vazhdimisht bashkë. Ata kënaqen duke kaluar kohë së bashku, por gjithashtu e duan edhe faktin që secili ndjek jetën e vet
-tha burimi.
Sipas tij, 70-vjeçarja e konsideron partnerin e saj një person shumë të rëndësishëm në jetën e saj.
Ai është i qëndrueshëm dhe i kujdesshëm. Ai e mban Kris-in me këmbë në tokë. Ata nuk kanë folur kurrë për martesën. Janë të lumtur me mënyrën se si janë tani
-u shpreh burimi.
Kris Jenner dhe Corey Gamble u njohën në vitin 2014 dhe lidhja e tyre u bë publike në vitin 2015. Çifti bëri debutimin në tapetin e kuq si çift në Met Gala të vitit 2016.
Edhe pse prej vitesh janë bashkë, martesa duket se nuk është një domosdoshmëri për ta. Vetë Kris ka lënë të hapur mundësinë e një martese në të ardhmen, por nuk ka konfirmuar ndonjë plan konkret.
Në prill, gjatë një bisede në podcastin e vajzës së saj, Khloé Kardashian, Kris u pyet nëse kishte “këmbana dasme” në të ardhmen e saj.
Ti kurrë nuk e di. Unë jam plot surpriza
-tha ajo.
Jenner ka folur gjithashtu për diferencën 25-vjeçare në moshë mes saj dhe Gamble, duke theksuar se për të kjo nuk ka qenë diçka e planifikuar.
Unë nuk e planifikova këtë, e dini? Nuk planifikon me kë do të dashurohesh apo ndoshta me kë do të përfundosh në jetë. Thjesht ndodh
-ka deklaruar ajo.
Së fundmi, Kris dhe Corey u shfaqën së bashku në hapjen e Lucas Museum of Narrative Art në Los Angeles, duke pozuar të kapur për dore në tapetin e kuq. Paraqitja e tyre erdhi pas disa muajsh pa një dalje publike së bashku, duke i dhënë fund edhe një herë spekulimeve për një ndarje të mundshme.
