Vranësira dhe reshje shiu/ Moti për ditën e sotme

Edhe për ditën e sotme vendi ynë parashikohet të ketë mot të paqëndrueshëm.

Sipas SHMU, moti parashikohet me vranësira mesatare deri të dendura e alternime kthjellimesh të herëpashershme. Vranësirat parashikohen të shoqërohen me reshje shiu me intensitet të ulët fillimisht përgjatë vijës bregdetare e më pas pritet të shtrihet në pjesën tjetër të territorit.                                    

Përgjatë Ultësirës Perëndimore reshjet parashikohen të jenë në formën e shtrëngatave afatshkurtra shoqëruar me shkarkesa elektrike lokalisht breshër, në male në verilindje-lindje e juglindje reshje në formën e flokëve të borës.

Era do të fryjë me drejtim kryesor juglindje - verilindje me shpejtësi mesatare 7 m/s, përgjatë vijës bregdetare e kryesisht atë veriperëndimore e zonave luginore era fiton shpejtësi deri në 17 m/s.

Valëzimi në dete do të jetë me forcë 2-3 ballë./ CNA