Dy persona janë arrestuar nga Policia në Lushnje, pasi akuzohen për shitje të lëndëve narkotike.
Sipas policisë, në pranga kanë rënë Eduart Sharka, 31 vjeç, dhe Skerdilajd Gjoni, 39 vjeç.
Sharka dyshohet se shiste doza kokaine në qytetin e Lushnjës. Sipas policisë, ai përdorte motomjetin me të cilin shpërndante porosi ushqimi për të lëvizur dhe shpërndarë lëndën narkotike.
Gjatë kontrollit në banesën e 31-vjeçarit, shërbimet e Policisë gjetën 318 gramë lëndë të dyshuar kokainë, një peshore elektronike, fishekë për armë zjarri, një grirëse bimësh narkotike dhe tre telefona celularë.
Ndërsa Gjoni, dyshohet gjithashtu se shiste doza kokaine në qytetin e Lushnjës.
Gjatë kontrollit në banesën e tij, policia gjeti një sasi lënde të dyshuar narkotike kokainë dhe tre telefona celularë.
Materialet procedurale i janë referuar Prokurorisë për veprime të mëtejshme.
