E dredh partizan Sadushi, i nënshtrohet Ramës

Sot po zhvillohet mbledhja e përgjithshme e gjyqtarëve, e cila ka nisur procedurën për zgjedhjen e tre anëtarëve të rinj të Këshillit të Lartë Gjyqësor.

Kjo mbledhje është hapur nga kryetari i Gjykatës së Lartë, Sokol Sadushi, njeriu që u fut në sistemin e drejtësisë pa kaluar vetingun dhe që shkroi Reformën në Drejtësi për të mbrojtur veten.

Gjatë hapjes së mbledhjes, Sadushi ka folur për ngërçin e pagave në sistemin e drejtësisë, duke e dredhur për t’iu nënshtruar propozimit të kryeministrit Edi Rama për uljen në tryezë për të gjetur zgjidhjen e këtij ngërçi.

Partizan Sadushi, njësoj siç mori vendimin unifikues për t’i shërbyer Erion Veliajt, tani po kërkon të ndikojë te magjistratët për t’iu bindur Ramës të ulen në tryezë për çështjen e pagave.

“Kjo nuk do të thotë se duhet të mbyllim derën e dialogut. Ato që mendojmë, ato që diskutojmë ndërmjet nesh dhe ato që kemi bërë publike duhet të kemi gatishmërinë t’i themi drejtpërdrejt në çdo tryezë. Prania në tryezë nuk do të thotë heqje dorë nga qëndrimet tona dhe as pranim i premisave të palës tjetër. Dialogu nuk është nënshtrim. Ai është mënyra institucionale për të mbrojtur qëndrimin me argumente, për të dëgjuar mendimin ndryshe dhe për të kërkuar hapësirën e bashkëpunimit që Kushtetuta lejon”, ka deklaruar Sadushi.

Partizan Sadushi si i shpërblyer nga pushteti dhe Rilindja kërkon të ndërhyjë dhe të ndikojë te magjistratët për t’i bërë shërbimin e radhës pushtetit./ CNA