“Ai ishte shumë i dobët dhe dukshëm i rraskapitur”, ditët e fundit të Presley Gerber, detaje të reja

Sipas Daily Mail, gjendja e Gerber ishte përkeqësuar ndjeshëm gjatë muajve të fundit, ndërsa njerëz pranë familjes kanë përshkruar shqetësimin e madh të prindërve të tij për betejën e tij me varësinë.

Një burim i afërt me familjen tha për median britanike se rreth tre muaj para vdekjes së tij, Presley kishte humbur shumë peshë dhe ishte “dukshëm i rraskapitur”. Sipas të njëjtit burim, ai ishte shumë i dobët dhe i zbehtë, ndërsa mënyra se si fliste kishte ndryshuar.

Periudha para pranimit në qendrën e rehabilitimit raportohet të ketë qenë veçanërisht e vështirë. Burimi pretendoi se 27-vjeçari ishte shpesh nervoz dhe kishte vështirësi të shprehej në mënyrë të qartë.

Devastating untold story of Presley Gerber’s final days: Extremely thin, jittering ‘like he was on meth’ and so out his mind that his voice changed… mom Cindy Crawford tried one last panicked intervention – as reality slipped away 🔗 https://t.co/2HsU7klxlK https://t.co/A9VZ1NvANK

— Daily Mail Celebrity (@DailyMailCeleb) September 24, 2026

“Ai dukej sikur kishte marrë metamfetaminë”, tha burimi, duke theksuar megjithatë se njerëzit pranë tij nuk e dinin me siguri se çfarë substancash po përdorte.

Presley Gerber kishte folur më herët publikisht për problemet me përdorimin e substancave, si dhe për përpjekjet e tij për të përballuar varësinë dhe problemet e shëndetit mendor. Sipas Daily Mail, ai kishte kaluar nëpër disa qendra rehabilitimi, ndërsa vetë ishte treguar veçanërisht i kujdesshëm ndaj këtij procesi.

Gjendja e tij kishte shkaktuar shqetësim të madh te prindërit. Sipas burimit, Cindy Crawford dhe Rande Gerber kishin kërkuar vazhdimisht struktura dhe trajtime të ndryshme për të ndihmuar të birin dhe “nuk kishin ndërmend ta linin”.

Cindy Crawford kishte shprehur publikisht mbështetjen për të birin. Në mars, ajo e quajti Presley-n “luftëtar” në një postim që lidhej me një trajtim me ibogainë, të cilit ai i ishte nënshtruar në Meksikë.

Ndërkohë, policia po heton rrethanat e vdekjes së 27-vjeçarit. Një mbidozë e mundshme dhe arresti kardiak janë përmendur në kuadër të hetimit, ndërsa shkaku zyrtar i vdekjes ende nuk është përcaktuar, pasi mjeku ligjor ka kërkuar kryerjen e testeve shtesë.

Top Channel