Një aksident rrugor është regjistruar këtë të enjte në aksin Korçë-Qafë Plloçë, ku dy automjete janë përplasur me njëri-tjetrin.
Si pasojë e aksidentit, sipas të dhënave paraprake, tre persona kanë mbetur të plagosur. Të lënduarit janë transportuar për në spitalin e Pogradecit, ku kanë marrë ndihmën mjekësore. Nga bluzat e bardha bëhet me dije se tre të plagosurit janë jashtë rrezikut për jetën.
Në vendngjarje ndodhet Policia, e cila po punon për zbardhjen e plotë të rrethanave dhe shkaqeve të aksidentit.
