Lufta në Lindjen e Mesme/ Netanyahu në OKB: Rrëzimi i regjimit iranian është vetëm çështje kohe 24 Sh...
“Shqipëria kërkon revolucion”/ Sot dita e 117-të e protestës, qytetarët të vendosur deri në largi...
AGSH dënon shantazhin e Vlora Hysenit ndaj gazetares Klodiana Lala: Të tërheqë menjëherë deklaratat 24 Shtator,...
“Krejt radarët e shtetit i mbyll për ty”/ Deklarata të forta dashurie nga Vlora Hyseni për Ergys Agasin: Të...
Papa Leon XIV do të vizitojë Francën për katër ditë. Ai do të ndalet në Paris, Lourdes dhe Metz. Të gjitha aktivitetet publike janë rezervuar prej javësh. Vetëm në Paris, organizatorët presin të shtunën (26.09.2026) rreth një milion vetë në rrugë gjatë meshës së madhe papnore në Place de la Concorde.
FRANCË- Franca është përfshirë nga ethet e vizitës së Papës. Në fakt, vendi prej më shumë se 200 vjetësh, sidomos pas ndarjes së rreptë ligjore midis shtetit dhe kishës në vitin 1905, karakterizohet nga tradita të forta laike. Megjithatë, ditët e ardhshme do të sjellin pamje krejtësisht të tjera.
Nga e premtja (25.09.) Papa Leon XIV do të vizitojë Francën për katër ditë. Ai do të ndalet në Paris, Lourdes dhe Metz. Të gjitha aktivitetet publike janë rezervuar prej javësh. Vetëm në Paris, organizatorët presin të shtunën (26.09.2026) rreth një milion vetë në rrugë gjatë meshës së madhe papnore në Place de la Concorde. Kjo përputhet me faktin se Kisha Katolike në Francë po regjistron një rritje të papritur të pagëzimeve të të rriturve dhe një interes të ri për fenë.
"Papa gëzon popullaritet si te besimtarët, ashtu edhe te jobesimtarët", thotë politologu Olivier Roy për DW. Sipas tij, veçanërisht konflikti me presidentin e SHBA-së Donald Trump i ka dhënë kreut të Kishës një autoritet moral që shkon shumë përtej kufijve të Kishës Katolike.
Parisi përgatitet
Prandaj dhe fluksi i madh i njerëzve. Për 600.000 personat që kanë marrë bileta ka vend përgjatë gjithë Champs-Élysées deri te Harku i Triumfit. Megjithatë priten shumë më tepër vizitorë. Autoritetet kanë njoftuar tashmë mbylljen e një sërë stacionesh metroje. Në kisha dhe ndërtesa kishtare janë vendosur portrete të mëdha të Papës dhe flamuj të Vatikanit. Për forcat e sigurisë kjo paraqet një sfidë të madhe.
Për politikën franceze, në një kohë kur zgjedhjet presidenciale do të mbahen pas pak më shumë se gjashtë muajsh, menaxhimi i kësaj vizite është gjithashtu një çështje delikate. Sipas Roy, e majta "e vlerëson personalitetin e Leonit, por është skeptike ndaj angazhimit të shtetit në organizimin e pritjes".
Forcat e forta të së djathtës ekstreme e mirëpresin evidentimin e katolicizmit, por kritikojnë, për shembull, takimin ndërfetar në Metz, sepse sipas tyre ai e vendos islamin në të njëjtin nivel me krishterimin. Për më tepër, presidenti nuk lejohet të marrë pjesë në meshat e mëdha publike për shkak të ndarjes së shtetit nga kisha.
Në çdo rast, Papa Leon po kontribuon për përmirësimin e imazhit të papatit. Vizita e fundit shtetërore e një Pape në Francë ishte në vitin 2008, kur Benedikti XVI vizitoi Parisin dhe Lourdën. Atëherë numri i vizitorëve ishte më i ulët sesa ai që pritet tani. Papa Françesku vizitoi Strasburgun në vitin 2014, Ajaccion në Korsikë në vitin 2024 dhe Marsejën në vitin 2023, por këto ishin gjithmonë vizita të lidhura me ngjarje të veçanta, jo vizita në të gjithë vendin. Fjalimet e tij në Parlamentin Evropian dhe Këshillin e Evropës në Strasburg sollën kritika të ashpra ndaj një Evrope që ai e quante të lodhur.
Ati i Shenjtë dhe "vajza më e vjetër”
Në gjuhën kishtare Franca konsiderohet si "vajza më e vjetër e Romës". Kjo lidhet me kristianizimin e hershëm të vendit në fillim të shekullit të gjashtë. Që në shekullin e dytë pas Krishtit u formuan bashkësitë e para të krishtera. Kjo bie në kontrast me qëndrimin disi të ftohtë që Françesku shfaqte ndaj Francës.
Olivier Roy thekson dallimet në këndvështrimet e papëve të fundit. Gjon Pali i II e shihte krishterimin kryesisht si një fenomen evropian, ndërsa Françesku si diçka më të lidhur me hemisferën jugore. Kjo, sipas tij, shpjegon njëfarë nënvlerësimi të Evropës. Roy e sheh Leon si një figurë të ndërmjetme: "Ai e pranon universalitetin e Kishës Katolike, por në të njëjtën kohë njeh peshën e Evropës brenda këtij universaliteti." Megjithatë, Leoni vazhdon të mbështetet edhe në mesazhin e paraardhësit të tij.
Roli i Evropës për papët
Historiani i Kishës dhe eksperti i Papës, Jörg Ernesti nga Augsburgu, thekson se Evropa ka qenë që nga fundi i shekullit XIX pika më e rëndësishme politike e referimit për papët. Kjo mbetet e vërtetë edhe sot, pavarësisht ndërkombëtarizimit në rritje të krishterimit.
Ernesti kujton statistikat: në vitin 1900 më shumë se dy të tretat e të gjithë katolikëve jetonin në Evropë, ndërsa sot vetëm rreth 20 për qind. Me një vonesë kohore, ky ndryshim po reflektohet edhe në Kolegjin e Kardinalëve. Ndërsa dikur evropianët ishin gjithmonë shumicë, sot ata përbëjnë vetëm 39 për qind.
Gjatë katër ditëve të vizitës,Papa Leon do të mbajë 15 fjalime dhe predikime. Shumica do t'i drejtohen shoqërisë franceze dhe drejtuesve politikë, ndërsa gjatë meshave të mëdha dhe në Lourdë fokusi do të jetë te besimtarët.
Megjithatë, vëmendja më e madhe përqendrohet tek fjalimi për Evropën, që do të mbahet në ditën e fundit në Metz dhe që do të prezantohet nga vetë presidenti Macron. Tema e tij është: "Te rrënjët e Evropës për paqe dhe unitet".
Vetë Metzi ka një rëndësi të veçantë simbolike. Dikur qendër e Perandorisë Karolingiane, qyteti ka ndryshuar disa herë gjuhën dhe përkatësinë shtetërore gjatë shekujve. Herë ishte gjerman dhe herë francez.
Në Qendrën e Kongreseve "Robert Schuman", Papa Leo do të mund t'i referohet figurës nga e cila institucioni mban emrin. Robert Schuman (1886-1963), i lindur në Luksemburg dhe fillimisht shtetas gjerman, ishte një burrë shteti francez që pas katastrofës së Luftës së Dytë Botërore promovoi pajtimin franko-gjerman. Ai mbështeti fuqishëm krijimin e një Evrope të bashkuar dhe në vitin 1958 u bë presidenti i parë i Parlamentit Evropian. Pas vdekjes së tij, ai u varros në një kishë të vogël pranë Metzit.
Sipas Roy, për këtë Papë "Evropa është një unitet real, që duhet të mbështetet dhe zhvillohet përtej nacionalizmave." Ky, sipas tij, ka qenë gjithmonë mesazhi i Kishës Katolike që nga Lufta e Dytë Botërore. "Është mesazhi i Schumanit." Qyteti i Metzit dhe figura e Schumanit janë simbole të fuqishme të kësaj ideje.
Roy është gjithashtu kurioz të shohë nëse dhe sa hapur Papa Leon do të kritikojë populizmin dhe nacionalizmin, përfshirë një formë nacional-katolicizmi që gjendet në Francë. Sipas tij, mbështetësit e meshës së vjetër latine janë shpesh "nacionalistë identitarë ose persona të afërt me të djathtën ekstreme".
Papa Leo takon viktimat e abuzimeve
Asnjë udhëtim papnor nuk mund të shmangë temën e abuzimeve. Kur Benedikti XVI vizitoi Francën në vitin 2008, ai nuk u takua me viktima të dhunës seksuale në Kishën Katolike. Megjithatë Kisha franceze vazhdon edhe sot të përballet me skandale të reja dhe ka reaguar me vonesë në trajtimin e tyre.
Këtë herë, një takim i tillë është pjesë e programit gjatë qëndrimit në Lourdë. Por diçka ka ndryshuar. Në kohën e Benediktit dhe Françeskut, personat me të cilët takoheshin papët shpesh mbeteshin anonimë. Kjo krijonte përshtypjen se Vatikani u jepte akses në këmbim të heshtjes. Në Francë, shtatë viktimat që do të takohen me Leon kanë folur publikisht paraprakisht dhe pesë prej tyre kanë bërë publik edhe emrin e tyre.
"Dialogu nuk do të thotë miratim", deklaruan ata. "Të pritemi nuk do të thotë të heqim dorë nga kërkesat tona."
Kjo çështje do të vazhdojë të mbetet një sfidë për Kishën, si në Francë ashtu edhe më gjerë, për një kohë të gjatë. /DW
Aleksandar Vuçiç SERBI- Presidenti i Serbisë, Aleksandar Vuçiç, e ka akuzuar politikanin nga Kosova, Nenad Rashiq, se, si&...
pamje nga takimi SHBA- Nuk ishte thjesht një darkë zyrtare në nder të Presidentit kinez Xi Jinping. Darka e Donald Trump në Sht&eu...
Abbas Araghchi IRANË- Ministri i Jashtëm iranian, Abbas Araghchi tha se Teherani i ka paraqitur Shteteve të Bashkuara një plan pë...
Presidenti amerikan, Donald Trump, dhe udhëheqësi kinez, Xi Jinping, gjatë darkës shtetërore në Shtëpinë e Bardhë...
"Swan Song: Diana, motra ime" nga Charles Spencer ANGLI- Libri i Earl Charles Spencer nuk ishte publikuar ende kur shpërtheu skandali i parë. Pje...
foto ilustruese GJERMANI- “E kemi lënë pas periudhën e ngecjes dhe tkurrjes ekonomike”, thotë Kancelari gjerman Friedrich M...
Aleksandër Vuçiç SERBI- Presidenti i Serbisë, Aleksandër Vuçiç, ka deklaruar nga Nju Jork se do të jap&eum...
foto ilustruese IRAN- Armët e kontrabanduara nga Bosnje e Hercegovina, që dyshohet se kanë përfunduar në duart e rrjeteve kriminal...
Foto ilustruse SHBA- Një ngjarje tragjike ka ndodhur në Iowa, në SHBA ku një mësuese e klasës së pestë dhe nj&...
Benjamin Netanyahu SHBA- Kryeministri izraelit, Benjamin Netanyahu i tha Asamblesë së Përgjithshme të OKB-së se rrëzimi i qe...
