Pas një dite të vështirë, një telefonatë me shokun ose shoqen e ngushtë mund të ndihmojë në uljen e stresit dhe përmirësimin e gjendjes emocionale.
Sipas kërkimeve, kontakti me njerëzit që i besojmë mund të qetësojë reagimin e trupit ndaj stresit, ndërsa miqësitë e forta lidhen me mirëqenie më të mirë emocionale dhe plakje më të shëndetshme.
Studiuesit flasin edhe për të ashtuquajturën “tend and befriend”, një reagim ndaj stresit që na shtyn të kërkojmë mbështetje te njerëzit e afërt.
Një telefonatë nuk zgjidh çdo problem, por të dëgjosh një zë të njohur, të qeshësh, të shprehësh atë që të shqetëson pa u gjykuar ose thjesht të dëgjosh “jam këtu” mund ta bëjë një ditë të vështirë pak më të lehtë.
