Drejtuesit e SHISH në aferën e Vlorës dhe Ergysit/ Lila dhe Kole në SPAK për operacionet e dosjes "TopSecret"

Në media raportohet se kreu i sapokomanduar i SHISH-it, Elvis Lila, dhe Jurgen Kole, drejtor i operacioneve në Shërbimin Informativ Shtetëror, janë ndër personat që pritet të pyeten brenda pak ditësh nga SPAK-u.

Në kuadër të këtij hetimi, ata dalin si persona të dyshuar për veprimtari të paligjshme të ish-eprores së tyre, Vlora Hyseni. Kole prej disa ditësh denoncohet edhe nga kreu i opozitës, z.Berisha, si personi i punëve të pista të ish-drejtueses së SHISH, Hyseni.

Po ashtu bëhet me dije, edhe pse dosja konsiderohet TOP SECRET, rezulton se Kole dhe Lila kanë lënë gjurmë në veprimet e tyre, jo vetëm në terren, por edhe në komunikimet operative lidhur me përdorimin e aseteve të SHISH-it në shërbim të grupeve kriminale./ Weblajm