Trajneri i Kombëtares, Maran, ka dalë në konferencën për shtyp në prag të ndeshjes së Nations League ndaj Bjellorusisë, duke vlerësuar kundërshtarin, por edhe duke shprehur besim te potenciali i skuadrës së tij.
Tekniku italian theksoi se Bjellorusia është një ekip kompakt dhe se ka bërë paraqitje të mira, ndërsa shtoi se fokusi i tij kryesor është te skuadra që drejton.
Trajneri tha se gjatë përgatitjeve ka parë elementë pozitivë dhe cilësi te lojtarët e tij, të cilat e bëjnë optimist për sfidën e radhës.
Maran foli edhe për gjendjen e lojtarëve dhe mungesat në përgatitje. Sipas tij, disa futbollistë nuk kanë pasur mundësi të stërviten në mënyrën optimale, çka e ka detyruar të provojë alternativa të reja.
Sa i përket krahut të djathtë të mbrojtjes, Maran nuk shprehu shqetësim, duke theksuar se ka disa alternativa në dispozicion.
Rolando Maran: “Nesër nis aventura ime. Kjo më bën të emocionohem. Sigurisht që janë gjërat e qarta, kemi patur vështirësitë tona. Kam patur pushim të detyruar për disa lojtarë.
“Disa nga lojtarët nuk kanë pasur mundësi të përgatiten. Nga këto mungesa kam provuar gjëra të reja dhe kam marrë sinjale pozitive. Kam shumë besim, që edhe nëse disa lojtarë nuk kanë mundësi për të luajtur 90 minuta, japin siguri se do të bëjnë mirë në fushë.
Nuk jam i shqetësuar për krahun e djathtë. Është Samuele Sina. Ismajli po ashtu ka luajtur si mbrojtës i djathtë. Besoj se kemi disa zgjedhje.
Besoj se tani i njoh më shumë lojtarët. Kam pasur më shumë kohë për ti njohur. Tani njohja e lojtarëve është edhe e ndryshme. Varet nga karakteristikat, por edhe varet nga momenti ku janë në klubin. Besoj se kam zgjedhur dhe grumbulluar lojtarët në gjendjen më të mirë dhe ata që janë më të përshtatshëm për ndeshje.
Kundërshtari vjen nga një periudhë e mirë. Kjo është një stimul për ne. Është një skuadër që e respektojmë shumë.
Na motivon për të rritur përqendrimin. Kur ke një kombëtare, është dhe fati për të zgjedhur lojtarët, në mënyrë që të përballosh momentet gjashtë ndeshjeve. Te bjellorusët kam vënë re se janë shumë punëtorë dhe gjithmonë në krye të punës.
Qëllimi është të bëjmë ndeshjen më të mirë të mundshme dhe të mos humbasim topin. Duhet të dimë si të interpretojmë lojën kur humbasim topin. Nga ndeshjet e qershorit kemi marrë disa mësime. Fokusi është që të bëjmë ndeshjen më të mirë ndaj Bjellorusisë.
Gjatë një ndeshje do të ketë vështirësi, por duhet të jemi të fortë dhe me kurajë për punën që kemi bërë dhe të dimë si të reagojmë.– tha ai.
