“Shqipëria ka zgjedhur novacionin”/ Rama: Pa një botë të përbashkët nuk mund të ketë Kombet ...
“Shqipëria kërkon revolucion”/ Sot dita e 118-të e protestës, qytetarët të vendosur deri në largi...
"Vendi i përket Zotit dhe mikut"/ Rama sulmon protestuesit: Shqipëria e shqiptarëve, slogan i neveritshëm dhe i turpshë...
“Më goditi me pasqyrë"/ Flet shefi i Komisariatit të Krujës pas publikimit të videos: Nuk e kam kërcënu...
• Qytetarët u mblodhën sot në ditën e 118-të të revoltës së tyre. • Ata u organizuan fillimisht në sheshin “Skënderbej” dhe më pas vijuan marshimin drejt Kryeministrisë, ku dhe zhvilluan fjalimet e tyre. • Të shumtë ishin qytetarët të cilët folën në podiumin e vendosur para Kryeministrisë, ku artikuluan kërkesat e tyre dhe bënë thirrje për ndryshim. • Aktivisti Edison Lika ishte një nga folësit në protestën e ditës së sotme. • Gjatë fjalës së tij në podiumin e vendosur para Kryeministrisë, ai u shpreh se kryeministri Rama do ta mbyllë karrierën e tij politike me pranga. • Lika deklaroi se faza e kërkesës për dorëheqjen e kryeministrit ka përfunduar dhe se protestat do të vijojnë me një tjetër thirrje. • Aktivisti tha se kjo rezistencë ka bërë që çdo qytetar mund të shohë më afër se kurrë rrëzimin e këtij regjimi. • Aktivisti Arben Kola falenderoi shqiptarët në SHBA, të cilët pritën me vezë kryeministrin Edi Rama. • Duke folur para qytetarëve, Kola tha se kryeministri qëndron në dhomë 15 mijë dollarë nata, ndërsa spitalet janë pa ilaçe. • Ai tha se protestuesit kërkojnë dorëheqjen e kryeministrit dhe qeverisë, krijimin e një qeverie teknike tranzitore dhe ndryshime kushtetuese. • Aktivisti Erald Ndoj iu drejtua publikisht ambasadorit të ri të Amerikës, Eric ëendt, duke kërkuar mbështetje dhe ndihmë për situatën politike në Shqipëri. • Gjatë fjalës së tij në podiumin e vendosur para Kryeministrisë ai e përshkroi situatën në vend si një prej periudhave më të vështira, ndërsa theksoi lidhjet e forta të shqiptarëve me Shtetet e Bashkuara. • Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. • Me pankarta në duar dhe flamuj kuqezi, protestuesit kanë bërë thirrje për ndryshim. • Protesta ka bërë bashkë fëmijë, të moshuar, studentë, profesionistë, aktivistë dhe turistë. • Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese. • Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve. • “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi", këto ishin disa nga thirrjet e tyre.
7 artikuj për këtë temë.
TIRANA- Protestuesit kanë mbyllur fjalimet e tyre para Kryeministrisë dhe kanë nisur mashimin në rrugët e kryeqytetit, ndërsa i kanë qëndruar bindshëm revoltës së tyre pavarësisht kushteve atmosferike. “Ju erdhi fundi!”, “Pa rini nuk ka Shqipëri!” dhe “Anuloni ligjet!”, këto janë ndër thirrjet e dëgjuara gjatë marshimit.
Ata kanë bërë thirrje për dorëheqjen e kryeministrit Rama, ndërsa kanë kërkuar edhe krijimin e një qeverie tranzitore. Me pankarta në duar dhe flamuj kuqezi, ata kanë bërë thirrje për ndryshim./Dosja.al
TIRANA- Protestuesit kanë mbyllur fjalimet para Kryeministrisë për shkak të kushteve të vështira atmosferike dhe kanë nisur marshimin në rrugët e Tiranës. Të shumtë ishin qytetarët të cilët folën në podiumin e vendosur para Kryeministrisë ku bënë thirrje për ndryshim dhe kërkuan dorëheqjen e kryeministrit Edi Rama. “Edi Rama, jep dorëheqjen”, “Ju erdhi fundi”, “Rama në burg, Berisha në burg” dhe “Ndryshim sistemi” ishin disa prej sloganeve të përsëritura gjatë protestës.
Edhe sot, protesta ka spikatur duke bërë bashkë shtresa të ndryshme të shoqërisë, nga fëmijë e të moshuar, te studentë, profesionistë, aktivistë të cilët i janë bashkuar qëndresës qytetare. Tubimi shënon ditën e 118-të të protestave, ndërsa qytetarët vijojnë të shprehin kundërshtimin e tyre ndaj qeverisë përmes pankartave, sloganeve dhe marshimit në kryeqytet./Dosja.al
TIRANA- Aktivisti Erald Ndoj iu drejtua publikisht ambasadorit të ri të Amerikës, Eric Wendt, duke kërkuar mbështetje dhe ndihmë për situatën politike në Shqipëri. Gjatë fjalës së tij në podiumin e vendosur para Kryeministrisë ai e përshkroi situatën në vend si një prej periudhave më të vështira. Kjo ndërsa theksoi lidhjet e forta të shqiptarëve me Shtetet e Bashkuara.
“Sot Zoti Eric Wendt Shqipëria sot është në ditët më të vështira. Shqipëria është kombi më amerikandashës. Sot Shqipëria ka nevojë për më shumë se ju. Kemi nevojë sepse po na cënohet sovraniteti, e drejta themelorë. Ju bëj një lutje na jepni një dorë sepse ju garantojmë se nuk do lejojmë që të vijnë kurrë këto ditë të zeza. Na ndihmoni të krijojmë një qeveri të fortë”, tha nder te tjera aktivisti./Dosja.al
TIRANA- Aktivisti Arben Kola falenderoi shqiptarët në SHBA, të cilët pritën me vezë kryeministrin Edi Rama. Duke folur para qytetarëve, Kola tha se kryeministri qëndron në dhomë 15 mijë dollarë nata, ndërsa spitalet janë pa ilaçe.
Aktivisti tha se protestuesit do të vijojnë aksionin dhe përsëriti kërkesat e tyre. Ai tha se protestuesit kërkojnë dorëheqjen e kryeministrit dhe qeverisë, krijimin e një qeverie teknike tranzitore dhe ndryshime kushtetuese.
Aktivisti Arben Kola: Dua të nis me një falënderim për shqiptarët e Amerikës dhe një prej koordinatorëve që qëlloi në shenjë. Një patriot nga Dibra që është pjesë e protestës që ditën e parë. Dua ta falënderoj nga zemra dhe duhet të vazhdojmë betejën, se nesër do të jetë sërish në Asamblenë e OKB-së Ramoviçi, bashkë me Tao Taon dhe servilat e tjera, të cilët po e shoqërojnë në Amerikë.
Ndërkohë që pensionistët vuajnë, spitalet pa ilaçe, ai fle në hotele me 15 mijë dollarë nata, Ramovicci. Ndërsa Tao në dhoma me 10 mijë dollarë nata. Imagjinoni çfarë talljeje bëhet me shqiptarët. Dua t’ju kujtoj se kërkesat tona nuk kanë ndryshuar. Një, dorëheqja e panegociueshme e kryeministrit dhe qeverisë. Krijimin e një qeverie teknike tranzitore, ndryshime kushtetuese dhe miratimin e tyre me referendum, ku përfshihet ndryshimi i Kodit Zgjedhor. Ndryshimin e ligjit për financimin e partive politike. Kufizimin e ushtrimit të detyrës së kryeministrit në jo më shumë se dy mandate. Për çdo kryeministër që do të vijë në të ardhmen, jo më shumë se dy mandate. E para është dorëheqje, dorëheqje, dorëheqje./Dosja.al
TIRANA- Aktivisti Edison Lika ishte një nga folësit në protestën e ditës së sotme. Gjatë fjalës së tij në podiumin e vendosur para Kryeministrisë, ai u shpreh se kryeministri Rama do ta mbyllë karrierën e tij politike me pranga.
Lika deklaroi se faza e kërkesës për dorëheqjen e kryeministrit ka përfunduar dhe se protestat do të vijojnë me një tjetër thirrje. Aktivisti tha se kjo rezistencë ka bërë që çdo qytetar mund të shohë më afër se kurrë rrëzimin e këtij regjimi.
“Nga sot u themi kryeministrit se koha për dorëheqje ka mbaruar, nga sot do thërrasim arrestoni Ramën. Rama nuk do jetë aq me fat sa të mbyllë karrierën politike me dorëheqje, ai do ta mbyllë karrierën 0politike në pranga”, tha Lika./Dosja.al
TIRANA- Protestuesit janë mbledhur sot në ditën e 118-të të protestës për largimin e Kryeministrit Edi Rama. Protestuesit kanë nisur grumbullimin në sheshin Skënderbej për të vazhduar më tëj marshimin drejt godinës së Kryeministrisë.
Me pankarta në duar e thirrje kundër korrupsionit dhe gjithë klasës politike, qytetarët kanë krijuar një atmosferë tejet të ndezur në qendër të Tiranës. Ata kërkojnë ndryshim të gjithë klasës politike dhe plotësimin e kërkesave të tyre, ku në krye të listës qëndron dorëheqja e kryeministrit Rama nga qeveria./Dosja.al
TIRANA- Qytetarët do të mblidhen sot në protestën e 118-të radhazi kundër qeverisë Rama. Për më shumë se tre muaj, qytetarë të shumtë në numër mblidhen në Sheshin Skënderbej dhe më pas marshojnë drejt Kryeministrisë. Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama.
Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë. Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese.
Tubimet janë shoqëruar me marshime nëpër rrugët kryesore të Tiranës, ndërsa qytetarët kanë ndaluar edhe pranë institucioneve të tjera, përfshirë Parlamentin, ku kanë përcjellë mesazhe ndaj deputetëve.
Gjatë tubimeve, protestuesit ka brohoritur një zëri: “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi"./Dosja.al
