Aksident i rëndë në aksin Fushë-Krujë–Krujë, raportohet një viktimë

Një aksident i rëndë është regjistruar mbrëmjen e sotme në aksin Fushë-Krujë–Krujë, në afërsi të Kamberas. Sipas informacioneve paraprake, tre automjete janë përplasur me njëri-tjetrin, ndërsa si pasojë tre persona kanë mbetur të plagosur.

Të plagosurit janë transportuar në Spitalin e Traumës, në Tiranë, në gjendje të rëndë. Sipas informacioneve paraprake, një prej të rinjve, me inicialet L.Z., ka ndërruar jetë, ndërsa dy personat e tjerë vijojnë të jenë në gjendje të rëndë shëndetësore.

Të plagosurit janë transportuar me automjete të Policisë drejt spitalit. Ndërkohë, njëri prej drejtuesve të mjeteve është shoqëruar në ambientet e policisë.

Paraprakisht, dyshohet se lagështira në rrugë dhe shpejtësia e lartë mund të kenë qenë ndër shkaqet e aksidentit. Grupi hetimor ndodhet në vendngjarje dhe po punon për të përcaktuar rrethanat e plota të përplasjes.

Në aksident janë përfshirë automjetet me targa:

Benz AC 034 AU

Audi AB 861 EY

Passat AB 786 ZC

Informacionet janë paraprake dhe pritet që Policia të japë të dhëna zyrtare mbi viktimën, të plagosurit dhe rrethanat e aksidentit.