Arrestimi i ish-shefes së SHISH Vlora Hysenit, i ka kaluar kufijtë shqiptar që nga dita e martë kur u mësua mbërritja e saj në Shqipëri, pas akuzave të ngritura ndaj saj. Edhe pse Bashkimi Europian ka zgjedhur të mos e komentojnë këtë ngjarje me argumentimin se hetimet ndaj saj janë në vijim, një mesazh i qartë ka mbërritur nga Brukseli: Europianët kanë besim të plotë te SPAK për hetimet dhe ndjekjen penal.
Në lidhje me këtë situatë, zëdhënësi i Komisionit Europian për zgjerimin, Guillaume Mercier është shprehur se se Brukseli nuk komenton çështjet që janë ende në proces, ndërsa shtoi se po ndiqen nga afër zhvillimet e shtetit të së drejtës, veçanërisht reformat në drejtësi dhe luftën kundër krimit të organizuar dhe korrupsionit.
“Ne nuk komentojmë çështje që janë në proces, por ajo që mund të themi është se ne i ndjekim nga afër zhvillimet që lidhen me shtetin e së drejtës, veçanërisht reformat në drejtësi dhe luftën kundër krimit të organizuar dhe korrupsionit, fusha në të cilat Shqipëria ka bërë përparim të konsiderueshëm”, deklaroi Mercier.
Më tej, zëdhënësi i Komisionit Europian vijoi duke shprehur haptazi mbështetjen e e Europës për punën e kryer nga SPAK.
“Kemi besim të plotë tek aftësia e Strukturës së Posaçme Kundër Korrupsionit dhe Krimit të Organizuar, e njohur si SPAK, për të zbuluar, hetuar dhe ndjekur penalisht krimin e organizuar”, tha Mercier.
Ndonëse nga ana e tyre nuk ka pasur një qëndrim për fajësinë apo pafajësinë e Vlora Hysenit, Mercier bëri të ditur se vijojnë kontaktet me autoritetet shqiptare.
Konkretisht, për Vlora Hysenin janë caktuar masat e sigurisë “Arrest në shtëpi” dhe “Pezullim i ushtrimit të një detyre a shërbimi publik”, si person nën hetim për veprat penale të parashikuara nga nenet 302/2 dhe 295/a/1 të Kodit Penal.
Nenet 302/2 dhe 295/a/1 të Kodit Penal bëjnë fjalë për Përkrahje të autorit të krimit, në këtë rast Ergys Agasi, në mënyrë që ai t'i shpëtojë kërkimit, kapjes ose arrestimit, si dhe Zbulimi i akteve ose të dhënave sekrete, dhënia e informacioneve të konsideruara sekret ndaj personave të tretë, sërish në këtë rast Ergys Agasi.
Vlora Hyseni akuzohet për këto dy vepra penale dhe ndaj saj janë caktuar dy masat e sigurisë të mësipërme.
-
-
Pas SKANDALIT me Ergys Agasin, SHISH “zhduk” Vlora Hysenin (DETAJI)
25 Shtator, 18:14 -
-
Sondazh
Lexo gjithashtu
