Tifozët e “Plisave” dhe “Torcidës” kanë njoftuar se do të bashkohen në një organizim të përbashkët, duke i lënë përkohësisht pas dallimet dhe rivalitetet mes tyre.
Të lidhura
None found
Nisma, e bërë publike përmes një njoftimi të “Plisave”, përfshin të gjitha tifogrupet, ndërsa asaj i është bashkuar edhe “Torcida” e Mitrovicës.
“Sa herë kohët na kanë nda, na bashkuan hallet e mëdha”, thuhet në pjesën hyrëse të mesazhit.
“Plisat” shprehen se në këtë moment nuk do të ketë përplasje mes tifogrupesh, pasi bashkimi shihet si prioriteti kryesor.
“Sot nuk ka ndarje, nuk ka rivalitet. Na bashkon gjaku, nderi, besa dhe dashnia për tokën tonë. Na bashkon historia dhe ideali për të cilin u sakrifikua”, thuhet në njoftim.
Në përmbyllje, tifogrupi nga Prishtina u ka bërë thirrje të gjithëve që t’i bashkohen tubimit, duke e shoqëruar mesazhin me sloganin “BASHKË PËR UÇK”.
Tubimi është planifikuar të zhvillohet të dielën, më 27 shtator, duke nisur në orën 15:00.//
