Në kuadër të ndeshjes Shqipëri-Bjellorusi, që do të zhvillohet sonte në orën 20:45 në stadiumin “Air Albania”, Policia e Shtetit ka marrë masa të shtuara për sigurinë dhe qarkullimin në Tiranë.
Nga ora 17:00 deri në përfundim të ndeshjes, disa rrugë pranë stadiumit do të jenë të bllokuara për automjetet.
Bëhet fjalë për bulevardin “Dëshmorët e Kombit”, rrugën “Papa Gjon Pali II”, “Dervish Hima”, “Asim Zeneli”, “Themistokli Gërmenji”, “Ismail Qemali” dhe “Abdyl Frashëri”.
Ndërkohë, Rruga e Elbasanit, Unaza dhe bulevardi “Bajram Curri” do të vijojnë të jenë të hapura për qarkullimin e automjeteve.
Policia u ka bërë thirrje tifozëve që të shkojnë në stadium që prej orës 18:30, për të shmangur radhët dhe vonesat në hyrje.
Para se të futen në stadium, tifozët do t’i nënshtrohen kontrolleve. Nuk do të lejohet futja e fishekzjarrëve, flakadanëve, çakmakëve, monedhave, çadrave dhe sendeve të tjera që mund të rrezikojnë sigurinë.
Për mbarëvajtjen e ndeshjes janë angazhuar qindra efektivë të Policisë së Shtetit, të cilët do të jenë në terren para, gjatë dhe pas përfundimit të takimit. (A2 Televizion)
A2 CNN Livestream
MUND TE LEXONI GJITHASHTU
