Rama: Në Butrint vijon puna për konservimin e Forumit Romak (VIDEO)

 Në Parkun Kombëtar të Butrintit po vijon puna për konservimin dhe mbrojtjen e Forumit Romak, një prej zonave më të rëndësishme të qendrës urbane të qytetit antik.

Kryeministri Edi Rama ndau sot momente nga puna që po kryhet çdo ditë për të ruajtur e përcjellë brez pas brezi këtë pasuri të jashtëzakonshme të historisë sonë.

Në kuadër të bashkëpunimit me Ancient Rome Live, Fondacioni për Menaxhimin e Butrintit ka nisur fazën e parë për konservimin dhe mbrojtjen e Forumit Romak në Parkun e Butrintit.

Projekti synon mbrojtjen dhe ruajtjen afatgjatë të rrënojave arkeologjike të Forumit Romak dhe deri tani është ndërtuar infrastruktura e sigurisë, si dhe janë kryer ndërhyrjet riparuese në Kullën Veneciane.

Parku Kombëtar i Butrintit është një zonë e mbrojtur që ndodhet në jug të vendit, pranë qytetit të Sarandës.

Ai përfshin qytetin antik të Butrintit, një nga vendbanimet më të rëndësishme arkeologjike në Shqipëri, i cili u shpall Monument Kulture në vitin 1948.

Në vitin 1992 Butrinti u përfshi në Listën e Trashëgimisë Botërore të UNESCO-s, si një vend me rëndësi të jashtëzakonshme kulturore dhe natyrore. A.K./TemA

Çelet te Vila 31 ekspozita kushtuar grave të Ballkanit

09:17 Kulturë

Koka e humbur e Titos: ikonoklazëm politik apo betejë për narrativën post-socialiste

21:07 Kulturë 1 koment

Të rinjtë dhe fëmijët, pjesë e pandashme e TIFF

17:49 Kulturë

Blendi Gonxhe: Në Butrint po punohet çdo ditë për të ruajtur trashëgiminë

16:50 Kulturë

Lazari

16:49 Kulturë

QKLL nisi në Liceun Artistik “Jordan Misja”, ciklin “Biblioteka e artit”

15:48 Kulturë

Rifillojnë kërkimet arkeologjike në fshatin Gajtan

13:46 Kulturë

DPA paraqiti një ekspozitë me dokumente mbi historikun e marrëdhënieve Shqipëri-Kinë.

12:51 Kulturë

"Diskriminon produksionet vendase"/ Shoqata e Kineastëve kundërshton projektligjin për kinematografinë

11:38 Kulturë

Rreth darvinizmit leksikor

10:34 Kulturë 1 koment