Pezeshkian: Irani qëndron i vendosur kundër SHBA-së dhe Izraelit, i llogaritën gabim sanksionet

Presidenti i Iranit,  Masoud Pezeshkian ka deklaruar se SHBA-të dhe Izraeli po kërkojnë të parandalojnë Iranin të mbështetet vetëm te vetja. Ai theksoi se Irani do të investojë te populli i tij.

“Menduan se mund ta shënjestronin popullin iranian me sanksione, i llogaritën gabim”, tha ai për Al Jazeera-n.

Pezeshkian tha gjithashtu se SHBA-të dhe Izraeli i tërhoqën vëmendjen vendeve të rajonit në luftë, duke menduar se regjimi iranian do të binte brenda pak ditësh.

Pavarësisht kësaj, ai tha se iranianët kanë qëndruar të vendosur përballë sulmeve amerikane dhe izraelite. Sipas tij, Irani do të vazhdojë të qëndrojë i vendosur.

Ai shtoi se siguria rajonale mund të arrihet përmes bashkëpunimit midis vendeve të saj dhe se rajoni nuk ka nevojë për një “polic”.