Ambasadori amerikan merr zyrtarisht detyrën/ Eric Wendt prezanton kredencialet te Presidenti

Eric Wendt dorëzoi letrat kredenciale te Presidenti Bajram Begaj, duke nisur kështu zyrtarisht detyrën si ambasadori i SHBA-së në Shqipëri.

Ceremonia e pritjes në Pallatin e Brigadave u shoqërua nga një bisedë kokë më kokë mes tij dhe Presidentit Bajram Begaj.

Pas ceremonisë së pritjes nga Presidenti, pritet të ndodhë edhe takimi midis ambasadorit Wendt dhe ministrit për Europën dhe punët e Jashtme, Ferit Hoxha.

Gjithashtu, në ditët në vazhdim pritet të organizohet një ceremoni pritjeje për ambasadorin më të ri të SHBA-së, ku do të marrin pjesë gazetarë, përfaqësues të forcave politike në vend si dhe personalitete të tjera. 

Eric Wendt merr këtë të shtunë detyrën si Ambasador i Shteteve të Bashkuara në Shqipëri, pas dorëzimit të mandatit nga ish-ambasadorja Yuri Kim, tri vite më parë, në qershor të vitit 2023.

Eric Wendt ka shërbyer për më shumë se 34 vite në ushtrinë amerikane dhe ka drejtuar Komandën e Forcave Speciale të NATO-s. Ai ka shërbyer në Afganistan, Kore, Europë dhe Lindjen e Mesme./ CNA