Dua Lipa ka zhvilluar një vizitë të veçantë në Pejë, ku ka marrë pjesë në një dasmë familjare, duke u rikthyer në Kosovë për një arsye krejtësisht private.

Këngëtarja shqiptare me famë botërore ka qenë e pranishme në dasmën e Andit, djalit të hallës së saj, i cili ka kurorëzuar martesën dhe i ka dhënë fund beqarisë.

Ndryshe nga vizitat e saj në Kosovë për aktivitete apo angazhime publike, këtë herë Dua Lipa është rikthyer në vendlindjen e familjes së saj për të festuar së bashku me të afërmit një moment të rëndësishëm familjar.

Familja e artistes ka origjinë nga Peja, ndërsa një pjesë e familjarëve të saj vijojnë të jetojnë në këtë qytet.

Fotografi nga dasma kanë nisur të qarkullojnë në rrjetet sociale, ku Dua Lipa shfaqet e veshur elegant dhe duke shijuar atmosferën festive së bashku me familjarët dhe të ftuarit.

Prania e këngëtares së njohur ndërkombëtarisht ka tërhequr vëmendjen e të pranishmëve, ndërsa vizita e saj në Pejë është zhvilluar në një atmosferë familjare dhe larg angazhimeve publike.