Ernest Muçi ‘epiqendra’ e Kombëtares, i besohet numri deçiziv

Ernest Muçi pritet të ketë një rol më të rëndësishëm në Kombëtaren shqiptare nën drejtimin e Rolando Maranit.

Sulmuesi që po shkëlqen me Trabzonspor do të mbajë tashmë fanellën me numrin 10, pas largimit të Nedim Bajramit nga ky numër.

Muçi, i cili deri tani ka luajtur me fanellën 17, ka regjistruar 17 ndeshje dhe 3 gola me kuqezinjtë që nga debutimi në vitin 2021.

Pas paraqitjeve të mira në Turqi, numri 10 shihet si një tjetër sinjal për përgjegjësinë që pritet të ketë 25-vjeçari në Kombëtare.

Muçi do të ketë mundësinë të tregojë sa vlen me numrin që i përshtatet më mirë rolit që mbulon në fushën e lojës.

Shqipëria luan sonte kundër Bjellorusisë në ndeshjen e vlefshme për “Nations League”.