Vizita në Francë, 600 mijë njerëz presin meshën që do të mbajë Papa në Paris

Papa Leo XIV edhe këtë të shtunë po vijon vizitën e tij në Francë. Ai pritet të zhvillojë një Meshë të madhe në natyrë në Place de la Concorde të Parisit.

Të premten, ditën e parë të vizitës së tij në Francë, Papa Leo XIV tërhoqi turma të mëdha njerëzish. Sipas Vatikanit, 300 000 njerëz e duartrokitën Papën ndërsa ai kalonte nëpër rrugët e Parisit me papamobilin e tij.

Pak më vonë, 80 000 të rinj morën pjesë në një pritje në stadiumin Stade de France në Saint-Denis. Të shtunën, gati 600 000 besimtarë priten për meshën gjigante të Papës në Place de la Concorde, që fillon në orën 15:00.

Të shtunën në mëngjes, Papa vizitoi për herë të parë Maison Bakhita, një shoqatë dioqezane që mirëpret emigrantët. Disa prej tyre, të krishterë ose myslimanë, arritën ta takonin.

Papa përshëndeti më pas rritjen e numrit të njerëzve që pagëzohen në Francë gjatë një vizite në Institutin Katolik të Parisit. Drejt fundit të ditës, ai do të fluturojë për në Lourdes, ku do të fillojë qëndrimin e tij me një lutje.