U shpall kampion Europe me Italinë, Maran e dërgon lojtarin në tribune! Bashkë me të dhe tre të tjerë

Rolando Maran ka bërë zgjedhjet e fundit për debutimin e Shqipërisë në Nations League ndaj Bjellorusisë.

Për sfidën e sotme, trajneri italian ka dorëzuar në UEFA listën me 23 lojtarë, ndërsa katër futbollistë do ta ndjekin takimin nga tribuna.

Jashtë 23-shes kanë mbetur Feta Fetai, Luis Hasa, Sabah Kerjota dhe Simon Simoni.

Kujtojmë që Luis Hasa u shpall kampion Europe me Italinë U-19.

Ndërkohë, Klisman Cake mungon për shkak të një dëmtimi dhe nuk është i gatshëm për këtë përballje.

Një nga zgjedhjet që ka tërhequr vëmendjen është Klevi Qefalia, me mesfushorin e Dinamo City që është preferuar në listën e ndeshjes. Maran ka vendosur kështu t’i japë besim një prej alternativave të reja për sfidën ndaj Bjellorusisë.