Pak para ndeshjes Shqipëri–Bjellorusi, e vlefshme për Ligën e Kombeve, futbollistët e Kombëtares kanë krijuar një atmosferë festive me këngë dhe motive nga vallet tradicionale shqiptare.
Alen Sherri ka nisur me këngën “Hej, goce, çka po bën?”, ndërsa Elseid Hysaj ka vijuar me “Kush kërcen napoloni”, duke sjellë momente argëtuese në grumbullimin e kuqezinjve para duelit.
Të lidhura
None found
Skuadra shqiptare, e drejtuar nga Rolando Maran, garon në Ligën C të Ligës së Kombeve dhe objektivi kryesor është sigurimi i ngjitjes në Ligën B.
Ky kompeticion i jep Shqipërisë mundësi të mëdha për të siguruar kualifikimin në “Euro 2028”. Nëse ia del, Kombëtarja do të marrë pjesë për herë të tretë në historinë e saj në një Kampionat Europian, pas edicioneve të vitit 2016 dhe 2024.
