Dinamo e Ilir Dajës regjistroi një tjetër rezultat pozitiv në përgatitjet e saj, duke mposhtur 4-1 Otrant Olympic në miqësoren e zhvilluar pak minuta më parë. Përballë bluve ishte skuadra shqiptare nga Ulqini i Malit të Zi.
Të lidhura
None found
Florenc Farruku ishte lojtari që spikati më shumë në këtë takim. Sulmuesi matjan realizoi tre herë, duke gjetur rrugën e rrjetës në minutat 12, 44 dhe 75. Goli tjetër për Dinamon u shënua nga Ruçi.
Skuadra e drejtuar nga Ilir Daja po kalon një periudhë të shkëlqyer, si në Superiore, ashtu edhe në ndeshjet miqësore. Dinamo po konfirmon kështu ambiciet për të luftuar për titullin në elitën e futbollit shqiptar.
