Franco Foda e pranon se Austria është favorite për përballjen e së dielës, por trajneri i Kosovës beson te skuadra e tij.

Në konferencën për media, tekniku gjerman theksoi se “Dardanët” i kanë kryer detyrat dhe janë gati për një tjetër sfidë të fortë.

Foda pret një mbështetje të madhe nga tifozët kosovarë, të cilët pritet të mbushin tribunat e stadiumit.

Ai ka analizuar me kujdes kundërshtarin dhe e di se çfarë e pret Kosovën në këtë përballje.

“Austria luan në mënyrë agresive dhe bën presion të lartë”, deklaroi Foda.

Për këtë arsye, ai kërkon nga lojtarët e tij të përgjigjen me kundërpresion dhe intensitet të lartë.

Trajneri gjerman u rikujtoi austriakëve edhe paraqitjet e fundit të Kosovës në transfertë.

“Kemi fituar ndeshjet e tjera si mysafir”, tha Foda, duke nënvizuar vetëbesimin që ekziston në kampin kosovar.

Pas fitores ndaj Irlandës, “Dardanët” kanë pasur pak kohë për rikuperim dhe përgatitje për sfidën e radhës.

Foda beson se në një ndeshje të tillë do të vendosin detajet dhe përqendrimi gjatë 90 minutave.

“Austria është favorite e grupit, por gjithçka mund të ndodhë nesër”, u shpreh ai.

Mbështetja nga tifozët kosovarë pritet të jetë një tjetër faktor i rëndësishëm për ekipin.

Kosova synon të surprizojë Austrinë dhe të marrë një rezultat pozitiv në këtë përballje.

Ndeshja do të zhvillohet të dielën, duke nisur nga ora 18:00.