Lamtumira e Lionel Messit nga Kombëtarja e Argjentinës po afron dhe emocionet kanë nisur që tani.

Trajneri i “Albicelestëve”, Lionel Scaloni, ka pranuar se ndeshja ndaj Beninit, më 6 tetor, pritet të jetë një moment tepër i veçantë.

Kjo sfidë mund të shënojë paraqitjen e fundit të Messit me fanellën e Argjentinës.

Ylli argjentinas pritet të përshëndetet nga tifozët në stadiumin Monumental të Buenos Airesit.

“Do të jetë e vështirë të mos qaj”, u shpreh Scaloni, duke mos e fshehur emocionin për këtë moment historik.

Tekniku argjentinas theksoi se dëshiron që Messi të përshëndetet pikërisht në mënyrën që ai dëshiron.

Scaloni zbuloi gjithashtu se ka ndihmuar në realizimin e kësaj lamtumire gjatë periudhës së tij në krye të Kombëtares.

Messi, tashmë 39-vjeçar, e mbyll një epokë të jashtëzakonshme me fanellën e Argjentinës.

Ai ka zhvilluar 207 ndeshje dhe ka shënuar 125 gola me “Albicelestët” që prej debutimit në vitin 2005.

Këto shifra e bëjnë Messin futbollistin me më shumë paraqitje dhe gola në historinë e Argjentinës.

Me Kombëtaren, ai ka fituar dy herë Kupën e Amerikës, në vitet 2021 dhe 2024.

Kulmi i aventurës së tij erdhi në vitin 2022, kur ngriti Kupën e Botës në Katar.

Tashmë, e gjithë vëmendja është te 6 tetori, kur Monumental pritet të përjetojë një nga momentet më emocionuese të futbollit argjentinas.