Maran me surpriza të mëdha, publikohet formacioni i Shqipërisë ndaj Bjellorusisë

Mbrëmjen e kësaj të shtune, Shqipëria përballet me Bjellorusinë në ndeshjen e parë të Ligës së Kombeve, në stadiumin “Air Albania”, në orën 20:45.

Kuqezinjtë vijnë pas pesë humbjeve radhazi dhe Rolando Maran kërkon fitoren e parë në drejtimin e Kombëtares. Një tjetër humbje do të barazonte serinë më negative të Shqipërisë që prej vitit 1997.

Kuqezinjtë kanë shënuar vetëm në një nga pesë ndeshjet e fundit dhe në Tiranë kanë humbur tri takimet e fundit pa shënuar gol.

Bjellorusia, në krahun tjetër, është e pamposhtur në gjashtë ndeshjet e fundit, me tri fitore dhe tri barazime, ndërsa katër prej këtyre takimeve janë zhvilluar nën drejtimin e Viktor Gonsharenkos.

Pak minuta para fillimit, janë zbuluar edhe formacionet zyrtare të dy ekipeve.

FORMACIONET ZYRTARE

Shqipëria: Berisha; Hysaj, Ismajli, Gjimshiti, Pilo; Asllani, Ramadani; Seferi, Muçi, Hoxha; Manaj.

Bjellorusia: Lapoukhov, Pechenin, Tsikhamirau, Volkov, Kalinin, Ebong, Selyava, Gromyko, Malashevich, Kontsevoi, Barkovski.