Presidenti turk, Rexhep Tajip Erdogan, i është përgjigjur deklaratës së kryeministrit izraelit, Benjamin Netanyahu, i cili e quajti atë “diktator” gjatë fjalimit të tij në Asamblenë e Përgjithshme të Kombeve të Bashkuara. Duke folur sot në një aktivitet në Stamboll, Erdogan dha përgjigjen e tij të parë zyrtare dhe të drejtpërdrejtë ndaj fjalimit të Netanyahut në OKB.
“Vendi për kriminelët që kanë kryer krime lufte nuk është platforma e OKB-së, por sallat e gjyqit ku ata gjykohen për krimet që kanë kryer,” deklaroi Erdogan.
Ai shtoi se dështimi i vazhdueshëm për t’i mbajtur përgjegjës para drejtësisë, ligjit dhe historisë ata që janë përgjegjës për atë që ai e përshkroi si “gjenocid” do të çonte në përsëritjen e “brutalitetit”, duke argumentuar se bota po kalon një periudhë në të cilën sistemi ndërkombëtar ka arritur në një ngërç në aspektin e legjitimitetit, përfaqësimit dhe drejtësisë.
“Rajoni ynë po përjeton një stuhi krizash, si të thuash, dhe sundimi i më të fortit është bërë një tipar i marrëdhënieve ndërkombëtare sot më shumë se kurrë më parë”, tha Erdogan.
Gjithashtu ai pohoi vendosmërinë e vendit të tij për të ekspozuar atë që ai e përshkroi si "mentalitet pushtues sionist", duke thënë se vendi e konsideron veten "të zgjedhur dhe superior ndaj të gjithë popujve". Dukje Turqia kërkon të tregojë se ky mentalitet është "i lirë nga mëshira, ndërgjegjja, morali dhe parimet".
Sondazh
Lexo gjithashtu
