Rama me shqiptarët në New York: Diaspora ka hyrë në fazë të re, jo vetëm solidaritet

Kryeministri Edi Rama ishte sot i pranishëm në një takim me komunitetin shqiptar në Staten Island në New Jork.

Rama e ndali fjalën e tij te rëndësia dhe roli i diasporës shqiptare për vendin dhe familjen.

Ndër të tjera, Rama tha se lidhja e Shqipërisë me diasporën ka hyrë në një fazë të re, që nuk përfshin vetëm interesat dhe solidaritetin, por edhe institucione të dedikuara.

“Në vitin 2015, unë i ftuar në një darkë shqiptarësh së bashku më Hashim Thaçin, ku u diskutua ideja e asaj që një vit më pas u bë Samiti i Parë i Diasporës në Tiranë.

10 vite prej atij samiti, besoj se kanë ndodhur plot gjëra pozitive.

Lidhja mes diasporës me Shqipërisë, që deri atëherë ndërlidhej vetëm me dërgesat për familjet, u kthye në një lidhje ku ndodh shumëçka tjetër. Janë lidhur ura nëpër të cilat kalojnë interesa, investime, rikthime shqitparëtsh në tokën amë. Jemi në fazën kur diaspora nuk është kujtesë dhe solidaritet , por lidhje më e fortë. Ka hyrë në rrugën e një zhvillimi dhe me institucionet e diasporës”,-tha Rama./CNA