Kryeministri Edi Rama, sapo të rikthehet nesër në Shqipëri nga vizita në SHBA pritet t’u drejtohet shqiptarëve me një mesazh nga salla e shtypit në Aeroportin Ndërkombëtar “Nënë Tereza”.
Rama pritet të niset sot nga Aeroporti JFK i Nju Jorkut, ndërsa për shkak të kushteve të rënduara atmosferike, orari i saktë i nisjes dhe mbërritjes mbetet ende i pakonfirmuar. Ora e adresimit të kryeministrit pritet të njoftohet nesër paradite.
Kjo lëvizje vjen pas bujës së krijuar në opinionin publik lidhur me çështjen e ish-kreut të SHISH, Vlora Hyseni, e cila ndodhet në arrest shtëpie. Po ashtu në qendër të vëmendjes janë edhe përgjimet e saj me Ergys Agasin, i cili është arrestuar pak kohë më parë.
Mbetet për t’u parë nëse kjo çështje do të jetë pjesë e mesazhit të kryeministrit, apo nëse adresimi do të lidhet me zhvillime të tjera.
Edi Rama qëndroi për gjashtë ditë në Shtetet e Bashkuara të Amerikës, ku mori pjesë në punimet e Asamblesë së Përgjithshme të Organizatës së Kombeve të Bashkuara.
Sondazh
Lexo gjithashtu
