Shqipëria e ka nisur me fitore aventurën në Ligën e Kombeve, duke mposhtur Bjellorusinë me rezultatin 2-0 në “Air Albania”.
Kuqezinjtë e zhbllokuan takimin në minutën e 34-t, kur Kristjan Asllani u tregua i saktë nga pika e bardhë, duke kaluar Shqipërinë në avantazh.
Vetëm pak çaste para përfundimit të pjesës së parë, Shqipëria goditi sërish.
Në minutën 45+2’, Ernest Muçi realizoi golin e dytë pas asistimit të Elseid Hysajt, duke çuar skuadrat në dhomat e zhveshjes me rezultatin 2-0.
Në pjesën e dytë, kuqezinjtë administruan avantazhin, ndërsa trajneri kreu disa zëvendësime për të ruajtur freskinë e ekipit. Bjellorusia tentoi të reagojë, por nuk arriti të gjejë rrugën e rrjetës.
Shqipëria ruajti portën të paprekur deri në fund dhe regjistroi një fitore të pastër.
Kuqezinjtë e mbyllin kështu ndeshjen me tri pikë dhe një paraqitje të sigurt në shtëpi.
