Një ngjarje e rëndë ka ndodhur mëngjesin e sotëm, rreth orës 06:50, në fshatin Pojan, në Maliq, ku ka shpërthyer një bombol gazi.
Si pasojë e shpërthimit, ka mbetur i dëmtuar shtetasi Th. K., rreth 74 vjeç, i cili ka pësuar djegie në fytyrë. I moshuari është transportuar me urgjencë drejt spitalit, ku po merr ndihmën e nevojshme mjekësore dhe ndodhet jashtë rrezikut për jetën.
Në vendngjarje kanë mbërritur shërbimet e policisë dhe grupi hetimor, të cilët po punojnë për dokumentimin dhe zbardhjen e plotë të rrethanave të ngjarjes.
Njoftimi i Policisë:
Maliq/Informacione paraprake
Rreth orës 06:50, në banesën e shtetasit Th. K., rreth 74 vjeç, në fshatin Pojan, ka shpërthyer një bombol gazi. Si pasojë e shpërthimit, ka pësuar djegie në fytyrë vetë shtetasi Th. K., i cili po merr mjekim në spital, jashtë rrezikut për jetën.
Sondazh
Lexo gjithashtu
