GJKKO ka lënë në burg 50-vjeçarin Bledar Cafin, i cili u arrestua ditën e djeshme në Shkodër me urdhër të SPAK, ai konsiderohet nga autoritetet si person me rrezikshmëri të lartë shoqërore.
50-vjeçari akuzohet për trafikim të lëndëve narkotike të kryer në bashkëpunim, në formën e grupit të strukturuar kriminal, pjesëmarrje në grup të strukturuar kriminal, si dhe kryerjen e veprave penale nga organizata kriminale.
Emri i Bledar Cafit, së bashku me atë të Endrit Dokles, ka dalë nga zbërthimi i komunikimeve në aplikacionin Sky ECC. Dokle është shpallur në kërkim që prej vitit 2024 dhe ndaj tij është caktuar masa e sigurisë “Arrest në burg”, për të njëjtat akuza që lidhen me trafikun e narkotikëve dhe pjesëmarrjen në grup të strukturuar kriminal.
Sipas autoriteteve, të dy shtetasit kanë trafikuar lëndë narkotike në bashkëpunim me grupin e Rrajave. Gjatë seancës gjyqësore, 50-vjeçari nuk ka dhënë deklarime, ndërsa është përfaqësuar nga avokati i tij.
Sondazh
Lexo gjithashtu
