Skandali i SHISH/ Rama: Hetimi Vlora Hysenit është detyrë ekskluzive e drejtësisë

Kryeministri Edi Rama në një konferencë nga Aeroporti i Rinasit ka theksuar se hetimi i Vlora Hysenit është detyrë ekskluzive e drejtësisë.

Rama nënvizoi se si për çdo rast tjetër, nuk do të ndërhyjë në këtë çështje, pavarësisht se e quan një masë ekstreme.

“Zhvillimet e ditëve të fundit pas vendosjes së masës arrest shtëpiak për ish-drejtuesen e SHISH kërkojnë një adresim të menjëhershëm dhe të drejtëpërdrejtë sy më sy. Ishte një masë ekstreme po të mbajmë parasysh që bëhet fjalë për ekspozimin për një institucion të shtetit.

Çdo dyshim për këdo qoftë duhet të hetohet deri në fund, çdo akuzë duhet të provohet ose të rrëzohet përmes një procesi të pavarur. Hetimi Vlora Hysenit është detyrë ekskluzive e drejtësisë dhe mbrojtja e shtetit është detyrë ekskluzive e shtetit”, tha Rama ndër të tjera./ CNA