Kryeministri Edi Rama ka hedhur akuza të forta ndaj Prokurorisë së Tiranës, duke e akuzuar se po mban peng çështje evazioni fiskal me detyrime prej dhjetëra milionë eurosh.
Sipas Ramës, prokurorët po ushtrojnë presion ndaj punonjësve të tatimeve që kanë denoncuar evazionin, në vend që të thërrasin personin përgjegjës për detyrimet ndaj shtetit.
“E di edhe që një tjetër televizion “Korrupsion – Korrupsion – Korrupsion, na mbyti korrupsioni”, i ushqyer nga paratë e evazionit marramendës fiskal, ka marrë peng një prokurori të tërë në Tiranë, ku në vend se të thirret evazori i madh për të dhënë llogari për milionat e detyrimeve ndaj shtetit, prokurorët e trembur dhe të tredhur prej tij, hapin çështje për të trembur punonjësit e tatimeve që denoncojnë evazorin.
E di që Shqipëria e deridjeshme e harmonisë me korrupsionin dhe padrejtësinë, nuk ka ikur përfundimisht nga jetët tona. Bishtat e panumërt të atij vendi i kemi ende nëpër këmbët e jetës së përditshme”,- tha Rama.
