“Do të mbajë pushtetin me forcë”/ Këlliçi reagon për adresimin e Ramës

Deputeti dhe nënkryetari i PD-së, Belind Këlliçi, ka reaguar lidhur me adresimin e kryeministrit Edi Rama ndaj shqiptarëve.

Përmes një postimi në rrjetet e tij sociale, Këlliçi hedh akuza ndaj Ramës se nuk mbajti asnjë përgjegjësi për skandalin e rëndë të SHISH-it.

Sipas demokratit, Rama normalizoi situatën, duke u bërë sot edhe më shumë i urryer nga qytetarët, ndërsa e di mirë se koha e tij në politikë ka marrë fund.

Reagimi:

Skandali i rëndë i Shërbimit Sekret, Edi Rama nuk mban asnjë përgjegjësi dhe fajëson SPAK e mediat opozitare!

Siç edhe pritej, Edi Rama nuk mbajti sot asnjë përgjegjësi për skandalin e rëndë të Shërbimit Sekret, ku kreu i saj është nën akuzë për përkrahje të autorit të krimit dhe nxjerrje të informacioneve sekrete për llogari të krimit.

Për këtë aferë të pashembullt, Kryeministri tha se nuk ndjen dhe nuk mban asnjë përgjegjësi, edhe pse Vlora Hyseni është promovuar dhe emëruar personalisht nga ai. Sipas tij fajtor për Vlorën, janë referencat e shkëlqyera të partnerëve ndërkombëtarë!

Edhe pse Vlora Hyseni ishte shërbëtore e koordinatorit të Edi Ramës për bandat, Ergys Agasi. Edi Rama normalizoi sot atë që ka ndodhur, goditjen më të rëndë të sigurisë kombëtare prej abuzimit me pushtetin, dhe quajti faj të rëndë hetimet dhe veprimet e SPAK dhe raportimet e sakta të medias.

Ai sulmoi drejtësinë dhe mediat për korrupsionin dhe abuzimin me pushtetin të qeverisë dhe bashkëpunëtorëve të tij.

Edi Rama nuk do ta mbajë dot me forcë pushtetin!

Ai u bë sot edhe më i urryer nga qytetarët, të cilët e shohin qartë se kush është në krye të këtij sistemi të kalbur, të korruptuar dhe të inkriminuar.

Koha e tij ka marrë fund!/CNA