Një 32-vjeçar ka rënë në prangat e policisë, pasi dyshohet se gjatë natës ka thyer xhamin e derës së një supermarketi një lagjen “Bashkimi” dhe ka vjedhur kasën me një shumë parash. Sipas njoftimit të policisë, është bërë e mundur identifikimi dhe kapja e 32-vjeçarit me iniciale E.B, banues në Vlorë.
Ai akuzohet për veprat penale "Vjedhje" dhe "Shkatërrim i pronës". Hetimet vijojnë për të verifikuar raste të tjera të vjedhjeve në të cilat ai mund të jetë i përfshirë, ndërsa materialet procedurale i janë referuar Prokurorisë së Vlorës për veprime të mëtejshme. ©LAPSI.al
